- 2020-08-12 02:35:51
- ព័ត៌មាន
បទថ្មីស្វាគមន៍រដូវក្ដៅរបស់ (G)I-DLE នាំមុខមាត់ឲ្យក្រុមច្រើនមិនធម្មតា
- 2020-08-12 02:35:51
- ចំនួនមតិ 0 | ចំនួនចែករំលែក 0
បទថ្មីស្វាគមន៍រដូវក្ដៅរបស់ (G)I-DLE នាំមុខមាត់ឲ្យក្រុមច្រើនមិនធម្មតា
ចន្លោះមិនឃើញ
ស្នាដៃ Comeback មកវិញកាលពីថ្ងៃទី ០៣ ខែសីហា របស់ (G)I-DLE ពិតជាអង្រួនវិស័យ K-Pop គួរសមសម្រាប់រដូវក្ដៅ ដោយបាននាំមកនូវរសជាតិថ្មីពិសេស បទចម្រៀងដែលធ្វើឲ្យអ្នកស្ដាប់បានស្រស់ស្រាយ គឺ DUMDi DUMDi។
ដោយសារជាបទបែបកន្ត្រាក់អារម្មណ៍ផ្ដល់នូវអារម្មណ៍រីករាយ ទើបបទនេះបានទទួលជោគជ័យលើតារាងបទចម្រៀងជាច្រើនទាំងក្នុង និងក្រៅប្រទេសដូចជា Bugs, Naver Music និង Genie ជាដើម។ មិនត្រឹមតែប៉ុណ្ណោះ វាក៏មានមុខជាប់លើតារាង Top Song របស់ iTunes ក្នុង ៤៧តំបន់ជុំវិញពិភពលោកដែរ។
ដោយឡែកផ្អែកតាមទិន្នន័យពីតារាង Hanteo បទនេះបានវាយលុយចំនួនទិញដល់ ៩៤ ៥៨៧ កូពី ដែលមានន័យថាស្នាដៃថ្មីបានក្លាយជាជោគជ័យធំទី២ របស់ក្រុមដែលលក់អាល់ប៊ុមដាច់អស់ច្រើនបំផុតត្រឹមសប្ដាហ៍ចេញផ្សាយដំបូង។
ចំណែកស្នាដៃដែលជាប់លេខ ១មានអ្នកទិញច្រើននោះគឺអាល់ប៊ុមតូច «I TRUST» ដែលលក់អស់ ១១២ ០០០កូពីនៅសប្ដាហ៍ដំបូង។
គិតត្រឹមថ្ងៃទី ១២ ខែសីហា ម៉ោង ៩ព្រឹក (ម៉ោងនៅកម្ពុជា) MV បទ «DUMDi DUMDi» មានអ្នកចូលមើល ៥៤លានដងហើយ៕
