- 2020-09-15 03:26:22
- ភាពយន្ត
ចាប់ពីស្អែក មានរឿងច្រើនជាង៣០បញ្ចាំងតាមអនឡាញពីឡុងប៊ិចមក មើលដោយសេរី
- 2020-09-15 03:26:22
- ចំនួនមតិ 0 | ចំនួនចែករំលែក 0
ចាប់ពីស្អែក មានរឿងច្រើនជាង៣០បញ្ចាំងតាមអនឡាញពីឡុងប៊ិចមក មើលដោយសេរី
ចន្លោះមិនឃើញ
នៅទីក្រុងឡុងប៊ិច រដ្ឋកាលីហ្វ័រញ៉ា សហរដ្ឋអាមេរិក ត្រៀមបើកមហោស្រពភាពយន្តជាតិលើកទី៨ ដោយក្នុងនោះមានភាពយន្តជាតិល្បីៗ ល្អៗមើលសម្រាប់គ្រប់វ័យចំនួនដល់ទៅជាង ៣០ចំណងជើង នឹងត្រូវដាក់ឲ្យទស្សនាដោយសេរី។
ភាពយន្តទាំងនោះមានដូចជារឿង "ស្នេហាក្មេងៗ" ដែលឈ្នះពានជាច្រើនពីមហោស្រពភាពយន្តថ្នាក់ជាតិឆ្នាំ ២០១៩។ បន្តមកមានរឿង "ប៉ុបពីទៅហូលីវូដ" “គ្រូរបាំ" និងរឿង “មេគង្គ ២០៣០" ជាដើម។ រឿងទាំងអស់នឹងដាក់បញ្ចាំងជូនទស្សនាដោយឥតគិតថ្លៃសម្រាប់អ្នកទស្សនាជុំវិញពិភពលោក ទៅតាមពេលវេលាដែលកម្មវិធីបានកំណត់ចាប់ពីថ្ងៃពុធទី ១៦ កញ្ញា ស្អែកនេះតទៅក្នុងរយៈរយៈពេល ៥ថ្ងៃ។
ពិធីបើកសម្ពោធមហោស្រពភាពយន្តជាតិលើទឹកដីសហរដ្ឋអាមេរិកនេះនឹងមានអ្នកចូលរួមជាច្រើនរួមមាន តារាសម្ដែង ផលិតករភាពយន្ត អ្នកនិពន្ធភាពយន្តជាដើម។
នេះគឺជាឆ្នាំទី ៨ ហើយដែល CTFF(Cambodia Town Film Festival) បានប្រារព្ធធ្វើនៅលើទឹកដីសហរដ្ឋអាមេរិក។ មហោស្រពនេះ មានគោលបំណងសំខាន់មួយនៃមហោស្រពភាពយន្តថោនស៊ីធី គឺដើម្បីបង្ហាញពីភាពសម្បូរបែបសិល្បៈ វប្បធម៌ និងប្រពៃណីជាដើម របស់ប្រទេសកម្ពុជាតាមរយៈភាពយន្ត ក្នុងនោះក៏មានការបង្ហាញខ្សែភាពយន្តជាពិសេសទាក់ទងនឹងទំនាស់នយោបាយ សង្គម ទំនៀមទម្លាប់ បញ្ហាប្រឈមនានា និងតួអង្គនានានៅមហោស្រពថែមទៀត។
តាមរយៈមហោស្រពនេះ ក៏មានចេតនា លើកកម្ពស់ការទទួលស្គាល់ពីគុណតម្លៃរបស់ប្រជាជនកម្ពុជានៅកម្រិតសកលលោកផងដែរ។ ប្រភេទភាពយន្តនៅក្នុងមហោស្រពនេះមាន និទានកថា ភាពយន្តឯកសារ ភាពយន្តខ្លី ភាពយន្តនិស្សិត ភាពយន្តគំនូរជីវចលរបស់បណ្ដាផលិតករនានាទូទាំងពិភពលោក ដែលត្រូវបានជ្រើសរើសយកមកបញ្ចូលក្នុង CTFFនាទីក្រុងឡុងប៊ិច រដ្ឋកាលីហ្វ័រញ៉ានេះ។
ដូច្នេះកុំភ្លេច ពីស្អែកទៅ ប្រិយមិត្តទាំងនៅកម្ពុជា និងអាមេរិក អាចទស្សនាភាពយន្តបានច្រើនរឿងណាស់ សុទ្ធរឿងល្អៗមើលដោយឥតគិតថ្លៃ!
ព័ត៌មានបន្ថែមពីការបញ្ចាំង៖
សូមចុច បើកសម្ពោធ
សូមចុច ពេលវេលាបញ្ចាំង