- 2020-09-24 04:22:19
- ព័ត៌មាន
អាហារ ៧មុខត្រូវហាមមិនឲ្យតារា K-Pop ញ៉ាំបានដាច់ខាត កាលនៅជា Trainee
- 2020-09-24 04:22:19
- ចំនួនមតិ 0 | ចំនួនចែករំលែក 0
អាហារ ៧មុខត្រូវហាមមិនឲ្យតារា K-Pop ញ៉ាំបានដាច់ខាត កាលនៅជា Trainee
ចន្លោះមិនឃើញ
អ្នកគាំទ្រ K-Pop ច្បាស់ជាដឹងច្បាស់ដូចថ្ងៃថា មុនតារាម្នាក់ៗអាចចេញមុខលើសិល្បៈ និងទម្រាំបានល្បីដូចសព្វថ្ងៃពួកគេស៊ូខ្លាំង ហើយជីវិតនៅជាអ្នកហ្វឹកហាត់ចំណូលថ្មី ឬ Trainee ពិបាកយ៉ាងណា។
ក្រៅពីហ្វឹកហាត់ របបអាហារក៏ជាកត្តាសំខាន់ដែលតារាទាំងអស់ ត្រូវបានហាមប្រាម និងអាចញ៉ាំបានដផោយសេរីតាមការនឹកចង់ដែរ។ ខាងក្រោមនេះជាអាហារទាំង ៧ប្រភេទដែល តារា K-Pop ទាំងនេះមិនអាចញ៉ាំបាន កាលពីពួកគេនៅជា Trainee៖
១. សាច់មាន់
យើងសុទ្ធតែដឹងថា សាច់មាន់ឆ្ងាញ់យ៉ាងណា ជាពិសេសសាច់មាន់ហិរៗ និងស្រួយៗ។ អាហារប្រភេទនេះមិនត្រូវបានគេអនុញាតិឲ្យញាំ់ទេពេលហ្វឹកហាត់ដំបូង ប៉ុន្តែដោយសារឃ្លានពេក មានម្ដងនោះSeulgi (Red Velvet) ដល់ថ្នាក់លួចញ៉ាំស្ងាត់ៗទៀតផង ទោះបីដឹងថាគ្រោះថ្នាក់ក៏ដោយ។
២. នំម្ស៉ៅ (Tteokbboki) ហិរៗ
អាហារប្រភេទនេះជាចំណីដ៏ពេញនិយមនៅប្រទេសកូរ៉េខាងត្បូង។ Chanmi (AOA) ធ្លាប់បានរម្លឹកថា នាងមិនអាចជោគជ័យក្នុងវិញ្ញាសាសម្រកទម្ងន់បានទេ ព្រោះនាងញ៉ាំ Tteokbboki រហូត។ Chanmi និយាយថា៖ «មុន១ខែនៃការធ្វើតេស្ត ពួកយើងត្រូវតែសម្រកជម្ងន់ឲ្យបាន ប៉ុន្តែពេលនោះខ្ញុំមិនអាចធ្វើបាន ព្រោះតែខ្ញុំតែងលួចញ៉ាំ Tteobboki»។
៣. នំប៉័ង
បើសិនអ្នកណាចង់ឡើងទម្ងន់ នំប៉័ងជាអាហារដែលពួកគេមិនអាចមើលរំលងបាន។ Seolhyun ចាំបានថានាងធ្លាប់កុហកគេឯង ដោយសារនាងធ្លាប់ញ៉ាំនំប៉័ងកាលហ្វឹកហាត់ដំបូង។ ពេលនោះ នាងកុហកថា ញ៉ាំស្ពៃក្ដោប និងល្ពៅ តែតាមពិតនាងញ៉ាំនំប៉័ងសោះ។ ប្រសិនបើនាងមិនកុហកទេ នោះនាងច្បាស់ជាមានរឿងធំ ដោយសារអ្វីដែលនាងញ៉ាំជាអាហារដែលងាយនឹងឡើងទម្ងន់ ហើយក៏ខុសនឹងអ្វីដែល Trainee ត្រូវធ្វើដែរ។
៤. ការ៉េម
ចំណីញ៉ាំលេងដ៏ឆ្ងាញ់មួយនេះ ក៏មិនមែនត្រូវគេអនុញាតិឲ្យញ៉ាំដោយសេរីដែរ។ ដូច RM និង V ត្រូវគេចាប់បានម្ដង ពេលញ៉ាំការ៉េម ប៉ុន្តែពេលនោះ RM និយាយថាលោកបានយកការ៉េមញាត់ចូលក្នុងហោប៉ៅ ហើយពេលបុគ្គលិកក្រុមការងារទៅបាត់ ទើបលោកយកមកញ៉ាំវិញ។
៥. មីសណ្ដែកខ្មៅ (Jjajjangmyeon)
នេះក៏ជាអាហារដែលសម្បូរទៅដោយជាតិកាឡូរីខ្ពស់ដែរ។ ដោយសារមិនអាចញ៉ាំបាន ទើប RM ប្រើវិធី ដើម្បីអាចលួចញ៉ាំបាន។ លោកនិយាយថា៖ «ខ្ញុំធ្វើពត់ជាចង់ទៅបន្ទប់ទឹក ហើយក៏លួចទៅហាង ដើម្បីបានញ៉ាំមីសណ្ដែកខ្មៅ ពេលនោះខ្ញុំញ៉ាំបានតែ ២ម៉ាត់គត់»។
៦. ជើងជ្រូក
នេះក៏ជាអាហារដ៏ពេញនិយមរបស់កូរ៉េដែរ។ Tzuyu (TWICE) និយាយថា មានម្ដងនោះ នាង Momo និង Sana ខំលួចកុម្ម៉ង់ជើងជ្រូកញ៉ាំស្ងាត់ៗ ហើយពេលអ្នកដឹកមកដល់ នាងលបយកតាមបង្អួចធ្វើយ៉ាងណាកុំឲ្យកាមេរ៉ាសុវត្ថិភាពចាប់បាន ចៀសវាងមានរឿងធំ។
៧. ហាំបឺហ្គឺរ
YooA (Oh My Girl) ចាំបានថា មានម្ដងនោះ នាងធ្លាប់លួចទៅហាងបឺហ្គឺរមួយកន្លែង ដើម្បីញ៉ាំស្ងាត់ៗ ប៉ុន្តែពេលឃើញបុគ្គលិកនៅផលិតកម្មរបស់នាង នាងក៏យកទៅលួចញ៉ាំក្នុងបន្ទប់ទឹក៕