- 2020-10-16 07:39:45
- ចម្រៀង
ទីបំផុតបទទី១របស់ប្អូនជីទួតមួយ ខេមរៈ សិរីមន្ត បានចេញ MV ផ្លូវការស្រេច!
- 2020-10-16 07:39:45
- ចំនួនមតិ 0 | ចំនួនចែករំលែក 0
ទីបំផុតបទទី១របស់ប្អូនជីទួតមួយ ខេមរៈ សិរីមន្ត បានចេញ MV ផ្លូវការស្រេច!
ចន្លោះមិនឃើញ
កញ្ញា អ៊ិត ជូលីណា មានវ័យ ១៩ឆ្នាំ ដែលគេស្គាល់ថាជាប្អូនស្រីជីដូនមួយរបស់លោក ខេមរៈ សិរីមន្ត បានហក់មកប្រឡូកក្នុងសិល្បៈចម្រៀងដោយបានទាំងបញ្ចេញបទចម្រៀងផ្ទាល់ខ្លួនថែមទៀតកាលពីសប្ដាហ៍មុន។ ឥឡូវនេះទៀត កញ្ញា បានបញ្ចេញជាវីដេអូចម្រៀងផ្លូវការហើយ។
វីដេអូចម្រៀងផ្លូវការរបស់បទ "ចង់ជួបមនុស្សស្មោះ" ជាបទទី១របស់ ជូលីណា ត្រូវបានគេឃើញចេញនៅលើយូធូបកាលពីថ្មីៗនេះ ដោយនៅក្នុងនោះ ក្រៅពីចម្រៀង យុវតីវ័យ ១៩ឆ្នាំ ក៏បានចូលរួមសម្ដែងខ្លួនឯងតែម្ដងដែរ។ ត្បិតថា មិនបង្ហាញនូវការហក់លោតខ្លាំង ប៉ុន្តែវីដេអូចម្រៀងមួយនេះ ទទួលបានការគាំទ្រគួរសមពីប្រិយមិត្តអ្នកគាំទ្ររបស់នាង ដោយពួកគេលើកឡើងថា បទនេះ ពីរោះៗ ដូចៗគ្នា។
កញ្ញា អ៊ិត ជូលីណា ត្រូវបានគេចាប់អារម្មណ៍ ក្រោយពីនាងឧស្សាហ៍ឃើញច្រៀង COVER បទចម្រៀងមួយចំនួន បង្ហោះលើទំព័រហ្វេសប៊ុក Khemarak Sereymun ធ្វើឲ្យមានការងឿងឆ្ងល់ ថានាងជានរណា និងត្រូវជាអ្វីនឹងជាមួយតារាប្រុសជួរមុខរបស់ហង្សមាស? ទើបអាចប្រើប្រាស់ទំព័រហ្វេសប៊ុករបស់លោក សិរីមន្ត បានតាមចិត្តបែបនេះ?។
បន្ទាប់ពីនោះ ក៏ស្រាប់តែមានការទម្លាយពីអ្នកជិតស្និទ្ធនឹងកញ្ញាថា តាមពិត ជូលីណា គឺជាបងប្អូនជីទួតមួយ របស់លោក ខេមរៈ សិរីមន្ត តារាចម្រៀងហង្សមាស ក្នុងនោះ គឺម្ដាយរបស់ កញ្ញា អ៊ិត ជូលីណា និងឪពុកកំពូលតារាចម្រៀង ខេមរៈ សិរីមន្ត ត្រូវជាជីដូនមួយនឹងគ្នា។ ដូច្នេះនាំឲ្យពួកគេទាំងពីរ ត្រូវជាបងប្អូនជីទួតមួយនឹងគ្នា។
ប្រភពដដែលបានឲ្យដឹងថា គ្រួសារទាំងពីររាប់អានគ្នាណាស់ ដូច្នេះហើយ ចំពោះការហក់មកចូលប្រឡូកសិល្បៈដោយមិនចាំបាច់ឆ្លងការប្រឡងណាមួយនេះ គឺពិតជាមានការជ្រោមជ្រែង ពីតារាប្រុស អីចឹងហើយ ទើបគេឃើញ យុវតី អាចប្រើប្រាស់ទំព័រហ្វេសប៊ុករបស់លោក សិរីមន្ត បាន និងថែមទាំងអាចផលិតបទចម្រៀងផ្ទាល់ខ្លួនថែមទៀតដូច្នេះ។
យ៉ាងណា បញ្ហានេះ សាមីខ្លួនទាំងពីរ មិនទាន់ឃើញចេញស្រាយបញ្ជាក់នៅឡើយ។ តោះ...ឥឡូវទៅមើល MV បទ "ចង់ជួបមនុស្សស្មោះ" ទាំងអស់គ្នាសិន!