- 2020-10-19 09:20:45
- ព័ត៌មាន
អាថ៌កំបាំងកប់យ៉ាងជ្រៅ របស់ ឌី សូនិត្តា ជិតធ្លាយហើយ!
- 2020-10-19 09:20:45
- ចំនួនមតិ 0 | ចំនួនចែករំលែក 0
អាថ៌កំបាំងកប់យ៉ាងជ្រៅ របស់ ឌី សូនិត្តា ជិតធ្លាយហើយ!
ចន្លោះមិនឃើញ
តារាសម្ដែង ឌី សូនីតា ហៅកាដុង ប្រកាសថានាងនឹងចេញវីដេ Live មួយនៅថ្ងៃទី២០ ខែតុលា ឆ្នាំ២០២០ និយាយពីរឿងអាថ៌កំបាំងផ្ទាល់ខ្លួនមួយដែលនាងជឿថាពេលបញ្ចេញទៅនឹងមានការភ្ញាក់ផ្អើលខ្លាំងដល់សាធារណជន ជាពិសេសអ្នកគាំទ្រនាង ។
តារាសម្ដែងរូបនេះ បាននិយាយនៅលើបណ្ដាញសង្គមមុននេះថា ឆ្លងកាត់អាជីពសម្ដែងជាង១២ឆ្នាំ រូបនាងបានប្រឹងប្រែងធ្វើតួនាទីខ្លួនឯងពោរពេញទៅដោយក្រមសីលធម៌ វិជ្ជាជីវៈ និងជាគំរូគេមួយរូប ហើយរូបនាងមិនធ្លាប់មានរឿងអាស្រូវសូម្បីតែម្ដង។
ឌី សូនីតា ៖"ពេលបានដឹង...ច្បាស់ជាមានបងប្អូនខ្លះជេរខ្ញុំ និងខ្លះជួយអបអរ ប៉ុន្តែដល់ដំណាក់កាលនេះហើយនាងខ្ញុំក៏បានបង្រៀនខ្លួនឯងឲ្យរៀនទទួលយកហើយនូវប្រតិកម្មរបស់បងប្អូនមិនថាអាក្រក់ ឬល្អ ព្រោះវាជាធាតុពិតមិនអាចគេចវេះបាន"។
ឌី សូនីតា ដែលប្រាប់គេឯងថានាងជាក្មេងកំព្រាឪពុក ហើយរស់នៅក្នុងគ្រួសារក្រីក្រមួយ បានប្រឹងប្រែងតស៊ូរហូតទម្រាំមានថ្ងៃនេះ។ នាងសូមឲ្យសាធារណៈជនបន្ដទុកនាងក្នុងកែវភ្នែក និងសូមចាត់ទុកនាងជាមនុស្សស្រីរឹងមាំរហូត ព្រោះនាងយល់ថា ពេលបញ្ចេញរឿងអាថ៌កំបាងនេះទៅ នឹងមានអ្នកគាំទ្រខ្លះពេបជ្រាយ ឬជេរប្រមាថនាង ប៉ុន្តែអ្នកខ្លះក៏គាំទ្រ មានចិត្តអាណិតអាសូរ ចូលរួមត្រេកអរនាង ព្រមទាំងពេញចិត្តនូវអ្វីដែលនាងធ្វើដែរ៕
