- 2020-10-20 07:22:36
- ព័ត៌មាន
ដំណើរសិក្សារដិបរដុបបន្តិច ប៉ុន្តែ ស៊ីន យូប៊ីន និយាយ៣ភាសានេះ ឡើងរ៉ាវ!
- 2020-10-20 07:22:36
- ចំនួនមតិ 0 | ចំនួនចែករំលែក 0
ដំណើរសិក្សារដិបរដុបបន្តិច ប៉ុន្តែ ស៊ីន យូប៊ីន និយាយ៣ភាសានេះ ឡើងរ៉ាវ!
ចន្លោះមិនឃើញ
មានការភ្ញាក់ផ្អើលមិនតិចទេ ក្រោយពីឃើញតារាសម្ដែងស្រីដ៏មានប្រជាប្រិយភាព ស៊ីន យូប៊ីន និយាយភាសាថៃយ៉ាងស្ទាត់ជំនាញក្នុងការប្រាស្រ័យទាក់ទងការងារជាមួយជនជាតិថៃម្នាក់ ក្នុងឱកាសដែលនាងបានចូលរួមក្នុងពិធីក្រុងពាលីថតរឿងមួយនៅស្ថានីយទូរទស្សន៍ ភី អិន អិន កាលពីពេលថ្មីៗកន្លងទៅនេះ។
ស៊ីន យូប៊ីន បង្ហើបថា ក្រៅពីភាសាខ្មែរដែលជាភាសាកំណើត នាងអាចនិយាយប្រាស្រ័យទាក់ទងក្នុងការងាររកស៊ី ឬការងារក្នុងវិស័យសិល្បៈជាមួយជនជាតិបរទេសដោយប្រើភាសាចំនួន៣ ពោលគឺភាសាថៃ ឡាវ និងអង់គ្លេស។ ចំពោះភាសាថៃ និងឡាវ នាងមិនបានចូលរៀនជាប់លាប់នោះទេ ប៉ុន្តែដោយមានការស្រាវជ្រាវ និងសិក្សាបន្ថែមដោយខ្លួនឯង ទើបអាចនិយាយបាន ហើយនាងក៏គ្រោងសិក្សាថ្នាក់បរិញ្ញាបត្របន្ត ដើម្បីពង្រឹងភាសាទាំងនេះដែរ។
ស៊ីន យូប៊ីន៖"ភាសាគោលដែលខ្ញុំរៀនហ្មង គឺមានតែ២ទេ គឺខ្មែរ និងអង់គ្លេស ហើយភាសាថៃ និងឡាវ អាចនិយាយបានក៏ដោយសារខ្ញុំរៀនក្រៅម៉ោង សិក្សាស្រាវជ្រាវនិយាយខ្លួនឯងបន្ថែម ទើបប្រើការបាន"។
អតីតសិស្សរៀននៅវិទ្យាស្ថានប៊ែលធី កញ្ញា ស៊ីន យូប៊ីន ឲ្យដឹងថា ក្រោយបញ្ចប់ការសិក្សាថ្នាក់ទី១២ នៅសាលាប៊ែលធី នាងបានបន្តថ្នាក់ឧត្ដមសិក្សានៅសាលាលីមកុងវីញ។ រៀនបានត្រឹមថ្នាក់មូលដ្ឋាននៅសាលានេះ នាងក៏ប្ដូរចិត្តផ្លាស់ទៅរៀននៅសាកលវិទ្យាល័យស៊ីតិចវិញ ដោយចាប់យកជំនាញវិស្វកម្ម និងសំណង់។
ក្រោយមក គឺនៅឆ្នាំ២០១៤ ការងារសិល្បៈរបស់នាងកាន់តែរវល់បានបង្ខំចិត្ដឲ្យនាងព្យួរឈ្មោះសិក្សាជំនាញ វិស្វកម្ម និងសំណង់ នៅសាលាស៊ីតិច ត្រឹមឆ្នាំទី៣។ ប៉ុន្តែនាងបញ្ជាក់ថានឹងចូលសិក្សាបន្តនៅពេលឆាប់ៗនេះវិញ ដោយនាងកំពុងលៃលកពេលវេលាពីការងារសិល្បៈ និងជំនួញក្រៅសិល្បសព្វថ្ងៃសិន៕