- 2020-12-01 02:36:02
- ព័ត៌មាន
ចេញលទ្ធផលដ៏ភ្ញាក់ផ្អើល ពីប្រជាប្រិយភាពរបស់តួប្រុសទាំង ២ក្នុងរឿង «Startup»
- 2020-12-01 02:36:02
- ចំនួនមតិ 0 | ចំនួនចែករំលែក 0
ចេញលទ្ធផលដ៏ភ្ញាក់ផ្អើល ពីប្រជាប្រិយភាពរបស់តួប្រុសទាំង ២ក្នុងរឿង «Startup»
ចន្លោះមិនឃើញ
ភាពយន្តភាគថ្មីរបស់កូរ៉េមានចំណងជើងថា «Startup» កំពុងទទួលបានការចាប់អារម្មណ៍ខ្លាំងនាពេលបច្ចុប្បន្នពេលចេញផ្សាយជាផ្លូវការលើ Netflix។
ជាទូទៅ គ្រប់ខ្សែភាពយន្ត តួឯកប្រុសតែងត្រូវបានអ្នកមើលចាប់អារម្មណ៍ខ្លាំងជាងគេ ប៉ុន្តែចូលដល់រឿង «Startup» ករណីនេះត្រូវបានប្រែប្រួល។
Nam Joo Hyuk (សម្ដែងជាតួ Nam Do San) និងតារាសម្ដែង Kim Seon Ho (សម្ដែងជាតួ Han Ji Pyeong) កំពុងក្លាយជាតារាកូរ៉េដែលល្បីល្បាញមិនធម្មតានាពេលនេះពេលសម្ដែងរឿង «Startup» រួមគ្នា។ ទោះបីភាពស្រស់សង្ហា និងទេពកោសល្យសម្ដែង ពួកគេមានដូចគ្នា ប៉ុន្តែសង្កេតឃើញថាប្រជាប្រិយភាពរបស់ពួកគេមានម្នាក់ ហក់ឡើងជាងម្នាក់ទៀត។ នេះបើផ្អែកតាមអ្នកគាំទ្រ។
ជាក់ស្ដែងយោងតាមមតិអ្នកតាមដានវិបសាយ Naver ដែលបានឆ្លើយសំណួរដែលសួរថា៖ «ប្រសិនអ្នកជា Dal Mi តើអ្នកជ្រើសយក Nam Do San ឬ Han Ji Pyeong?»។ ឯចម្លើយក៏ត្រូវបានបង្ហាញ នោះគឺពួកគេជ្រើសយកតួឯករង Han Ji Pyeong រំលងតួឯកធំ Nam Do San ដល់ទៅ៨០ភាគរយឯណោះ។
ចំនួន Vote ដែល Han Ji Pyeong ទទួលបានគឺ ៤៤ ៩៧៩សំឡេង ស្របពេល Nam Do San បានត្រឹម ១០ ២៦៨សំឡេងប៉ុណ្ណោះ។
យ៉ាងណាមិញនេះមិនមែនជាលើកទី១ទេ ដែលប្រជាប្រិយភាពរបស់តួរងហក់ឡើងជាងតួឯក ព្រោះកន្លងមកករណីនេះក៏កើតមានឡើងម្ដងម្កាលដែរ នោះក៏អាស្រ័យទៅលើខ្សែរឿង និងចរិតតួសម្ដែងដែលតម្រូវមក៕
