- 2020-12-01 08:33:09
- ព័ត៌មាន
ត្រៀមស្ដាប់កម្សាន្ដទាំងអស់គ្នា! គ្រូគុនល្បុក្កតោ ឆន ច័ន្ទវីរៈ គ្រោងចេញចម្រៀង២បទនៅក្នុងខែធ្នូ នេះ
- 2020-12-01 08:33:09
- ចំនួនមតិ 0 | ចំនួនចែករំលែក 0
ត្រៀមស្ដាប់កម្សាន្ដទាំងអស់គ្នា! គ្រូគុនល្បុក្កតោ ឆន ច័ន្ទវីរៈ គ្រោងចេញចម្រៀង២បទនៅក្នុងខែធ្នូ នេះ
ចន្លោះមិនឃើញ
គ្រូគុនល្បុក្កតោរស់នៅវត្ដថាន់ រាជធានីភ្នំពេញ លោក ឆន ច័ន្ទវីរៈ ប្រកាសថា លោកកំពុងនិពន្ធ និងច្រៀងចម្រៀងចំនួនពីរបទ ដើម្បីដាក់បង្ហោះនៅលើទំព័រផ្លូវការរបស់ផលិតកម្ម"អាថាន់ភាពយន្ដ" នៅក្នុងខែធ្នូ ឆ្នាំ២០២០ នេះ។
តួឯកប្រុសក្នុងរឿង"មិត្ដក្របី" ដែលកំពុងថតត្រៀមដាក់បញ្ចាំងតាមរោងភាពយន្តនៅឆ្នាំ២០២១ ខាងមុខ គឺលោក ឆន ច័ន្ទវីរៈ បានសរសេរនៅលើបណ្ដាញសង្គមហ្វេសប៊ុកនៅមុនបន្តិចថា បទទី១ដែលនឹងត្រូវចេញនោះ គឺមានចំណងជើងថា"បេះដូងមនុស្សខ្មៅ" ដែលបទនេះមានអត្ថន័យស្រដៀងនឹងបទ"បេះដូងបាតផ្សារ" លោកធ្លាប់បានបង្ហោះកាលពីលើកមុន។ រីឯបទទី២ មានចំណងជើងថា"ទឹកភ្នែកស្រក់លាយឈាម"។
លោក ច័ន្ទវីរៈ មិនបានបញ្ជាក់ទេថា បទថ្មីទាំងពីរបទ គឺជាប្រភេទបទមនោសញ្ចេតនា ឬបែបញាក់កន្ទ្រាក់អារម្មណ៍។ ប៉ុន្ដែបទ"បេះដូងបាតផ្សារ"ដែលជាស្នាដៃនិពន្ធ និងច្រៀងដោយរូបលោកផ្ទាល់នោះ គឺជាបទមនោសញ្ចេតនា ត្រូវបានលោកបង្ហោះកាលពីដើមខែមេសា ឆ្នាំ២០២០ ហើយបើគិតមកត្រឹមថ្ងៃទី១ ខែធ្នូ ឆ្នាំ២០២០ នេះ គឺមានអ្នកចូលទស្សនា ឬស្ដាប់ជាង៩០០០លើក។
ទោះជាយ៉ាងណា គ្រូគុនល្បុក្កតោរូបនេះ មិនបានបញ្ជាក់ពីមូលហេតុនៃការងាកពីការបង្ហាត់ក្បាច់គុនល្បុក្កតោ និងសម្ដែងរឿងផ្ទាល់ខ្លួនមកផលិតបទចម្រៀងនាពេលនេះវិញទេ។ ប៉ុន្តែលោក ឆន ច័ន្ទវីរៈ ធ្លាប់បង្ហើបថា រូបលោកចង់ក្លាយជាតារាចម្រៀង និងសម្ដែងល្បីឈ្មោះមួយរូបនៅថ្ងៃអនាគត៕
