- 2020-12-31 04:59:08
- ព័ត៌មាន
អត់ខ្វល់នឹងខ្លួនខ្លី តែម៉ូដែលនេះជម្នះបានឧបសគ្គរាំងស្ទះទាំងអស់ដើម្បីឆ្ពោះទៅគោលដៅ!
- 2020-12-31 04:59:08
- ចំនួនមតិ 0 | ចំនួនចែករំលែក 0
អត់ខ្វល់នឹងខ្លួនខ្លី តែម៉ូដែលនេះជម្នះបានឧបសគ្គរាំងស្ទះទាំងអស់ដើម្បីឆ្ពោះទៅគោលដៅ!
ចន្លោះមិនឃើញ
Dru Presta ជាម៉ូដែលវ័យ២៣ឆ្នាំដែលបានផ្លាស់ប្ដូរចក្ខុវិស័យនៃឧស្សាហកម្ម Fashion។ យុវតីដែលកើតមកជាមួយភាពក្រិសក្រិន និងមានកម្ពស់ប្រមាណ១ម៉ែត្រនេះ មិនបានបណ្ដែតបណ្ដោយឲ្យធម្មជាតិបញ្ឈប់ក្ដីសុបិននាងឡើយ ហើយថែមទាំងក្លាយជានារីម្នាក់ដែលបានបំផុសគំនិតសុទិដ្ឋិនិយមដល់មនុស្សជាច្រើនលើពិភពលោកទៀត។
ចាប់តាំងពីវ័យកុមារមក Dru ត្រូវបានគេដៀលត្មះ ព្រោះតែលក្ខខណ្ឌសម្រស់របស់នាង។ ជាមនុស្សតឿតែម្នាក់គត់គ្រួសារមកពីក្រុង Reno រដ្ឋ Nevada គ្មាននរណាអាចយល់ឡើយថាជីវិតរបស់នាងប្រទះ ឬប្រឈមនឹងបញ្ហាអ្វីខ្លះ។ យ៉ាងនេះក្ដី ពាក្យពេចន៍គ្រោតគ្រាតដែលនឹងទទួលរងកន្លងមក មិនអាចបង្អាក់ដំណើរ Dru បានឡើយ ផ្ទុយទៅវិញវារឹតតែធ្វើឲ្យនាងកាន់តែរឹងមាំថែមទៀត។
Dru Presta បានសម្រេចប្ដូរទៅលំនៅទៅក្រុង LA ហើយចាប់យកអាជីពជាម៉ូដែលដើម្បីកាត់ផ្ដាច់ព្រំដែននៃចក្ខុវិស័យរបស់ឧស្សាហកម្មបង្ហាញម៉ូដ ដែលជាការងារសម្រាប់មនុស្សខ្ពស់ៗ។ ជាមួយការជម្នះនេះដែរ នាងបញ្ជាក់ថាវាក៏ត្រូវបានឡើងដើម្បីលើកទឹកចិត្តដល់មនុស្សដទៃទៀតដែលមានលក្ខណៈសម្បត្តិប្រហាក់ប្រហែលនាងឲ្យដើរតាមបេះដូងរបស់ខ្លួនឯង។
នាងនិយាយថា៖ “ខ្ញុំចង់ឲ្យមនុស្សរាល់គ្នា ក្នុងពិភពបង្ហាញម៉ូដទទួលស្គាល់។ ហើយចង់មនុស្សរាល់គ្នាដឹងថា អ្នកណាៗក៏បង្ហាញខ្លួននៅលើវេទិកាតារាម៉ូដែលបានដែរ មិនថាគេរមៀល ជិះរទេះរុញនោះទេ ឬកាន់ឈើច្រត់នោះទេ"៕