- 2021-01-21 07:23:42
- ព័ត៌មាន
ច្បាស់ការហើយ! លី សុធាវី បង្ហើបរឿងរ៉ាវផ្សេងទៀតនៅពីក្រោយមិនទទួលតំណែងបន្តពី សេង រដ្ឋា
- 2021-01-21 07:23:42
- ចំនួនមតិ 0 | ចំនួនចែករំលែក 0
ច្បាស់ការហើយ! លី សុធាវី បង្ហើបរឿងរ៉ាវផ្សេងទៀតនៅពីក្រោយមិនទទួលតំណែងបន្តពី សេង រដ្ឋា
ចន្លោះមិនឃើញ
បន្ទាប់ពី លី សុធាវី បង្ហោះសារមិនទទួលតំណែងបន្តពីជយលាភីលេខ១ សេង រដ្ឋា ដោយហេតុកញ្ញាមានបញ្ហាសុខភាព មិនអំណាយផល ហើយជាថ្មីម្ដងទៀត ជយលាភីលេខ២រូបនេះបានបង្ហើបប្រាប់អំពីរឿងរ៉ាវផ្សេងមួយទៀតដែល នៅពីក្រោយរឿងនេះដើម្បីកុំឱ្យមហាជនមានមន្ទិលសង្ស័យច្រើនលើរូបនាង។
នៅថ្ងៃទី២០ ខែមករា ឆ្នាំ២០២១នេះ លី សុធាវី បានបង្ហើបប្រាប់ សប្បាយ អំពីបញ្ហាច្រើនផ្សេងទៀត ក្រៅពីបញ្ហាសុខភាព ដែលធ្វើឱ្យកញ្ញាមិនអាចទទួលរ៉ាប់រងតំណែងបន្តទៅប្រកួតនៅប្រទេសក្រៅ។ "នាងខ្ញុំមិនចង់ទទួលតំណែងដែលមិនមែន ជារបស់ខ្លួនទេព្រោះប្អូនជាជយលាភីលេខ២ ដូច្នេះហើយប្អូនមិនចង់បានអ្វីលើសពីហ្នឹងទេ ណាមួយមិនចង់ឱ្យមហាជន គិតថា ប្អូនជាជនឆ្លៀតឪកាសពេលគេមានបញ្ហា បែរជាឡើងតំណែង មួយវិញទៀតសុខភាពប្អូនមិនអាចហាត់បានច្រើនទេព្រោះ ពេលខំហាត់ខ្លាំងពេកនោះជម្ងឺបេះដូងរបស់ខ្ញុំវារើឡើង»។
លើសពីនេះ បញ្ហាដែលត្រូវដោះស្រាយ កិច្ចសន្យាជា មួយក្រុមហ៊ុន នោះកញ្ញាក៏បានដោះស្រាយរួចដែរ ហើយកញ្ញាបានសង្កតធ្ងន់ថា៖ "បញ្ហាលក្ខខណ្ឌក្រុមហ៊ុនដែលតម្រូវឱ្យ ជយលាភីលេខ២ ត្រូវទទួលរ៉ាប់រងបន្តនោះ គឺគេអាចអនុគ្រោះឱ្យបាន ទៅតាមភាពពិតប្រាកដ ជាក់ស្ដែងដូចប្អូនមានបញ្ហា សុខភាព ហើយប្អូនក៏ មានក្រដាសពេទ្យត្រឹមត្រូវជូនខាងក្រុមហ៊ុនដែរ"។
បន្ទាប់ពីរៀបរាប់រឿងរ៉ាវទាំងនេះរួច Miss Grand Cambodia រូបស្រស់នេះក៏បានបង្ហាញអារម្មណ៍ ផ្ទាល់ចំពោះ សេង រដ្ឋា ដែរថា នាងនៅតែគិតថា មិត្តភ័ក្តិមួយនេះសាកសមនឹងតំណែងដដែល។ "ចិត្តប្អូននៅតែចង់ឱ្យ រដ្ឋា ទៅប្រលងដដែលព្រោះថា គាត់ជាជយលាភី គាត់សិក្ដសមបំផុតជាងអ្នកណាជំនួសផ្សេង"។
ករណីរបស់ លី សុធារី ឬ លី យ៉ាកា បានកើតឡើងក្រោយពី ជយលាភីលេខ១ កញ្ញា សេង រដ្ឋា បានកើតមានរឿងរកាំរកូសជាមួយក្រុមហ៊ុនមហាហង្សដែលជាម្ចាស់រៀបចំកម្មវិធី Miss Grand Cambodia 2020 កាលពីប៉ុន្មានថ្ងៃមុន។ ទំនាស់នេះ ក្រុមហ៊ុន បានព្រមានដកតំណែងរបស់ រដ្ឋា ថែមទៀត ប្រសិនបើ បេក្ខនារីមិនចូលខ្លួនទៅជួបដោះស្រាយគ្នាជាមួយក្រុមហ៊ុន លើសពី២ដង។
យ៉ាងណា សាមីខ្លួនខាងបេក្ខនារីជយលាភី ក៏បានប្រកាសភ្លាមៗដែរថា នាងមិនទៅជួបតាមការកោះហៅ និងសុខចិត្តឲ្យដកតំណែង។ រដ្ឋា បញ្ជាក់បន្ថែមថា នាងនឹងទៅបង្ហាញខ្លួនតែក្នុងសន្និសីទសារព័ត៌មានដែលកើតឡើងក្នុងវេលាជាក់លាក់ណាមួយនាពេលខាងមុខ។ ប៉ុន្តែគិតត្រឹមរសៀលថ្ងៃទី ២១ មករា ២០២១ នេះ អ្វីៗស្ថិតនៅសភាពស្ងប់ស្ងាត់ ហើយកញ្ញា សេង រដ្ឋា នៅក្នុងតំណែងជយលាភីដដែល៕