- 2021-02-03 07:17:39
- ភាពយន្ត
រឿងពិតពីប្រវត្តិសាស្ត្រពិភពលោក! ហ៊ុយ យ៉ាឡេង គ្រោងប្រលែងចេញរឿងបែបអប់រំមួយទៀតហើយ
- 2021-02-03 07:17:39
- ចំនួនមតិ 0 | ចំនួនចែករំលែក 0
រឿងពិតពីប្រវត្តិសាស្ត្រពិភពលោក! ហ៊ុយ យ៉ាឡេង គ្រោងប្រលែងចេញរឿងបែបអប់រំមួយទៀតហើយ
ចន្លោះមិនឃើញ
បន្ថែមលើបដាពាក្យស្លោក"អ្នកអាចភ្លេចកូវីដ-១៩ តែកូវីដ មិនភ្លេចអ្នកឡើយ" និងការដាស់តឿនជារឿយៗរបស់ក្រសួងសុខាភិបាលស្ដីពីវិធានការការពារ នៃការឆ្លងជំងឺកូវីដ-១៩ នៅថ្ងៃទី៣ ខែកុម្ភៈ នេះ លោក ហ៊ុយ យ៉ាឡេង ប្រកាសថា ភាពយន្តបែបអប់រំមួយដែលមានចំណងជើងថា "គ្រោះជីវិតកូវីដ-១៩" នឹងចេញក្នុងពេលឆាប់ៗនេះ។
ម្ចាស់រឿង"ដើម្បីកូន" លោក ហ៊ុយ យ៉ាឡេង ទើបបញ្ចេញTeaser Poster ដោយមានភ្ជាប់នូវសារមួយតាមបណ្ដាញសង្គមFacebook ថា នេះជារឿងប្រវត្តិសាស្ត្រពិភពលោកមួយដែលលោកត្រូវតែធ្វើដើម្បីចងក្រងទុកឲ្យកូនចៅជំនាន់ក្រោយ។ លោកថា តាមពិតគម្រោងចេញថតរឿងនេះ មានតាំងពីចុងឆ្នាំ២០២០ ប៉ុន្តែរលកទី១ និងទ២ នៃការរាតត្បាតជំងឺកូវីដ-១៩ ទើបអាក់ខានរហូតមកដល់ថ្ងៃនេះ ប៉ុន្តែប្ដេជ្ញាថាយ៉ាងយូរត្រឹមខែនេះសម្រេចការថតបានយ៉ាងរលូន។
ហ៊ុយ យ៉ាឡេង៖"គ្រោះជីវិតកូវីដ-១៩ រឿងពិតគ្រោះជីវិតពិភពលោកដែលមិននឹកស្មានដល់ នឹងចេញក្នុងពេលឆាប់ៗនេះ"។ ទន្ទឹមនឹងការត្រៀមចេញខ្សែភាពយន្តបែបអប់រំនេះ លោក ហ៊ុយ យ៉ាឡេង និយាយទៅកាន់មនុស្សជាតិថា កូវីដស្ងប់ យើងមានវ៉ាក់សាំងការពារ ឈប់មានរក្សាគម្លាត មនុស្សនៅលើផែនដីនឹងរស់នៅយ៉ាងសប្បាយរីករាយដូចពេលមុន។
គេសង្កេតឃើញថា ផលិតកររូបនេះ តែងតែផ្ដួចផ្ដើមនូវគំនិត និងបង្កើតកម្មវិធីថ្មីៗ ដើម្បីជួយសង្គម។ ជាក់ស្ដែងកាលពីប៉ុន្មានសប្ដាហ៍មុនលោកបានផលិតរឿងអប់រំមួយដែលមានចំណងជើងថា"វិបត្តិផ្សែងបារី"។ រឿងនេះទទួលបានការគាំទ្រច្រើនពីមហាជន៕
