- 2021-02-05 03:06:10
- ភាពយន្ត
ស្ងាត់ៗ នៅដើមឆ្នាំ២០២១ នេះ ប្រុសខួចទទួលបានតំណែងជាតួអង្គឯកពីររឿងបាត់
- 2021-02-05 03:06:10
- ចំនួនមតិ 0 | ចំនួនចែករំលែក 0
ស្ងាត់ៗ នៅដើមឆ្នាំ២០២១ នេះ ប្រុសខួចទទួលបានតំណែងជាតួអង្គឯកពីររឿងបាត់
ចន្លោះមិនឃើញ
តារាសម្ដែងរូបសង្ហា លី សុខគីមសាន ហៅប្រុសខួច សប្បាយចិត្តនឹងការងារសិល្បៈនៅដើមឆ្នាំ២០២១ ដោយរូបលោកផ្ទាល់ទទួលបានតំណែងជាតួអង្គឯកក្នុងខ្សែភាពយន្តភាគចំនួនពីររឿងជាប់ៗគ្នា។ លោកថាបើប្រៀបធៀបកាលពីឆ្នាំទៅទាល់តែពាក់កណ្ដាលឆ្នាំទើបលោកទទួលបានសម្ដែង១រឿង ដោយសារបញ្ហាជំងឺកូវីដ-១៩។
ប្រុសខួច ប្រាប់ Sabay ថា ខ្សែភាពយន្តភាគទាំង២ដែលលោកកំពុងថត និងត្រៀមថតនេះ នឹងចាក់បញ្ចាំងនៅលើកញ្ចក់ទូរទស្សន៍ ភី អិន អិន។ រឿងទី១ គឺរឿង"មានស្នេហ៍ចៅស្រី" លោកចាប់ផ្ដើមថតឈុតខ្លះតាំងចុងឆ្នាំ២០២០ ហើយមកដល់ថ្ងៃនេះថតជិតចប់ហើយ។ ចំណែករឿងទី២ នឹងចេញថតប៉ុន្មានថ្ងៃខាងមុខទៀតនេះ ហើយចំពោះចំណងជើងរឿង និងថតដោយផលិតកម្មណា លោកមិនទាន់ប្រាប់បាននៅឡើយព្រោះលោកថាស្ថិតនៅក្នុងកុងត្រានៅឡើយ។
លោក លី សុខគឹមសាន ហៅប្រុសខួច ទើបប្រឡូកចូលក្នុងវិស័យសិល្បៈតាមរយៈអាជីពសម្ដែងដ៏សម្បូរបែបរបស់លោកប្រមាណ៣ឆ្នាំនេះប៉ុណ្ណោះ ប៉ុន្តែលោកមានឱកាសបានដើរជាតួអង្គឯក និងតួអង្គសំខាន់ក្នុងរឿងជាច្រើន។ ដោយឡែកកាលពី២០២០ ប្រុសខួច មិនខុសពីតារាដទៃប៉ុន្មានដែរ គឺលោកមិនសូវមានការងារច្រើនឡើយដោយសារបញ្ហាជំងឺកូវីដ-១៩ ប៉ុន្តែបើកឆាកដើមឆ្នាំ២០២១ នេះលោកទទួលបានការងារថតខ្សែភាពយន្តភាគដល់ទៅពីររឿង៕