- 2021-02-28 03:19:15
- ចម្រៀង
អ្នកនិពន្ធ Tho Meet ដាក់១បទឲ្យស្រីស្អាត ប៉ាច គឹមមួយ ប្លែកហ្មង!
- 2021-02-28 03:19:15
- ចំនួនមតិ 0 | ចំនួនចែករំលែក 0
អ្នកនិពន្ធ Tho Meet ដាក់១បទឲ្យស្រីស្អាត ប៉ាច គឹមមួយ ប្លែកហ្មង!
ចន្លោះមិនឃើញ
អ្នកនិពន្ធប្រចាំផលិតកម្មហង្សមាស Tho Meet ត្រឹម១សប្ដាហ៍ប៉ុណ្ណោះ បានបញ្ចេញបទចម្រៀងចំនួន ៣បទ ឲ្យតារាចម្រៀង៣រូប មានរសជាតិប្លែកខុសពីបទចម្រៀងស្នាដៃលោកពីមុនៗ។
កន្លងមកគេឧស្សាហ៍ឃើញ Tho Meet ធ្វើតែបទចម្រៀងតែប្រភេទមនោសញ្ចេតនាប៉ុណ្ណោះ ឲ្យតារាចម្រៀងជាច្រើន ដូចជា នី រតនា ធែល ថៃ សុខ ស្រីនាង និងប៉ាច គឹមមួយ ជាដើម។ ប៉ុន្តែមួយរយៈចុងក្រោយនេះ លោកបានប្ដូរស្ទើរ ១៨០ដឺក្រ ដោយលោកបានរួមបញ្ចូលប្រភេទបទរសជាតិថ្មីទៀត ជារបៀបបែបប្រជាប្រិយ ចង្វាក់កន្ទ្រឹមជាដើម។
ជាក់ស្ដែងម្សិលមិញនេះលោក បានចេញបទថ្មីឲ្យកញ្ញា ប៉ាច គឹមមួយ តារាចម្រៀងស្រីស្អាតមួយរូបរបស់ហង្សមាស។ បទនោះមានចំណងជើងថា "គ្រាន់តែរើសប្ដីសោះ ម៉ែគិតបែកផ្សែង" ជាចង្វាក់ប្រជាប្រិយ ដែលប្រិយមិត្តជាច្រើនសរសើរថា ប្លែកពីរោះ ទាំងស្ទីលរបស់តារាចម្រៀង និងការថត មើលទៅប្លែកអារម្មណ៍។
ងាកទៅមុននេះមិនប៉ុន្មានថ្ងៃ លោកក៏ទើបចេញចេញឲ្យតារាចម្រៀង ចាន់ មករា និង រ៉ន ចាន់ឌីន បទ "ឆ្នាំថ្មីកុំជេរប្ដី" និងបទ "កត្តិកចាំស្នេហ៍"។ ទាំង៣បទខាងលើ សុទ្ធជាចង្វាក់ប្រជាប្រិយ។ Tho Meet ប្រាបថា ទាំង៣បទខាងលើ គឺលោកធ្វើជាពិសេសសម្រាប់ផ្ដល់ជូនប្រិយមិត្តសម្រាប់រាំលេងនាឱកាសបុណ្យចូលឆ្នាំប្រពៃណីជាតិខាងមុខនេះ។
អ្នកនិពន្ធបានអះអាងថា លោកបានត្រៀមបទជាច្រើនទៀតរួចរាល់ហើយ។ "បាទបង នេះគឺបទសម្រាប់អបអរបុណ្យចូលឆ្នាំខ្មែរយើង ហើយតាមពិត គឺខ្ញុំមានបទច្រើនទៀត តែទើបចេញបាន៣បទនេះ តិចទៀត នឹងចេញបន្តបន្ទាប់ទៀត"។
យ៉ាងណាលោក មិនទាន់បានបង្ហើបថា បទបន្តទៀតជាប្រភេទបទយ៉ាងម៉េចនោះទេ ហើយច្រៀងដោយតារាចម្រៀងរូបណាឡើយ។ តោះ...ឥឡូវមកទស្សនា និងស្ដាប់បទរបស់ Tho Meet ទើបចេញទាំងអស់គ្នាសិន៖