- 2021-03-04 05:30:00
- ព័ត៌មាន
ល្ហេចល្ហៀងថា EXO ជិតថតបទថ្មីសម្រាប់អបអរថ្ងៃខួប ១០ឆ្នាំរបស់ក្រុម
- 2021-03-04 05:30:00
- ចំនួនមតិ 0 | ចំនួនចែករំលែក 0
ល្ហេចល្ហៀងថា EXO ជិតថតបទថ្មីសម្រាប់អបអរថ្ងៃខួប ១០ឆ្នាំរបស់ក្រុម
ចន្លោះមិនឃើញ
បើយោងតាមការឲ្យដឹងពីបណ្ដាញផ្សព្វផ្សាយរបស់ K-Pop បានបង្ហើបនៅថ្ងៃទី០៤ ខែមីនានេះថា EXO អាចនឹងវិលជុំគ្នាដើម្បីរៀបចំថតបទចម្រៀង សម្រាប់អាល់ប៊ុមថ្មី ត្រៀមចេញជាពិសេសក្នុងថ្ងៃខួបគម្រប់ ១០ឆ្នាំរបស់ក្រុម។
នៅក្នុងពេលនេះពិភពលោកកំពុងផ្ដោតការចាប់អារម្មណ៍នឹងសា្នដៃថ្មីដែលក្រុមត្រៀមចេញក្នុងថ្ងៃដ៏ពិសេសនេះ ស្របពេលដែលថ្មីៗមានដំណឹងថា Chanyeol សមាជិក EXO អាចនឹងបង្ហាញមុខក្នុងសន្និសីទកាសែតសម្រាប់រឿងថ្មី «The Box» នៅថ្ងៃទី១៨ ខែមីនានេះ។ បន្ថែមពីលើនោះក៏មានការបញ្ជាក់ពីភាគរយខ្ពស់ ដែល Chanyeol មកជាមួយនឹងបទថ្មីក្នុងរឿងផងដែរ ហើយគម្រោងចេញនៅថ្ងៃទី៣១ ខែមីនា។
អាល់ប៊ុមនេះមានទាំងបទចម្រៀងថ្មីដែលChanyeol ច្រៀងសម្រាប់តួអង្គលោកផ្ទាល់ក្នុងរឿង មានន័យថាក្នុងនាមជាតន្ត្រីករម្នាក់ដែលមានឈ្មោះថា «Ji Hoon» ក៏ដូចជាមានទាំងបទ Cover «Bad Guy» របស់ Billie Eillish ផងដែរ។
ស្របពេលកាលបរិច្ឆេទ្ធចូលក្នុងជួរទាហាននឹងមកដល់នៅថ្ងៃទី២៩ ខែមីនាខាងមុខនេះ ដូចនេះ Chanyeol ត្រូវមមាញឹកក្នុងការបង្ហើយការងារដែលនៅសល់ មិនថាការងារទោល និងការត្រៀមអាល់ប៊ុមថ្មីជាមួយនឹងក្រុមទៀត។ អ្វីដែលគួរឲ្យចាប់អារម្មណ៍ ប្រភពព័ត៌មាននៅបានបង្ហើបថា វីដេអូបទចម្រៀងរបស់ក្រុមចម្រៀងនេះ គ្រោងនឹងផ្ដើមថតនៅចុងខែនេះ។
ជាក់ស្ដែងក្រុមចម្រៀងលំដាប់កំពូលប្រចាំ K-Pop មួយនេះបានចេញមុខដំបូងនៅថ្ងៃទិ០៨ ខែមេសា ឆ្នាំ២០១២ ហើយឈានចូលឆ្នាំ២០២២ ខាងមុខ ក្រុមនឹងឈានដល់អាយុ ១០ឆ្នាំហើយ។ មតិភាគច្រើនមានការរំភើប ស្របពេលខ្លះលាន់មាត់ថា បទថ្មីនេះពួកគេត្រូវចាំរហូតដល់ឆ្នាំ ២០២២ ឯណោះ តែក៏មិនថ្វីយ៉ាងណាពួកគេនៅតែរង់ចាំយ៉ាងពេញចិត្ត។ ទាក់ទងនឹងដំណឹងថ្មី Sabay នឹង Update ជាបន្តទៀត៕
ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត