- 2021-03-04 09:20:34
- ព័ត៌មាន
ផែន បូទី ឲ្យតម្រុយទៅរស់នៅប្រទេសដ៏ស្រស់ស្អាតមួយនៅអឺរ៉ុប
- 2021-03-04 09:20:34
- ចំនួនមតិ 0 | ចំនួនចែករំលែក 0
ផែន បូទី ឲ្យតម្រុយទៅរស់នៅប្រទេសដ៏ស្រស់ស្អាតមួយនៅអឺរ៉ុប
ចន្លោះមិនឃើញ
តារាចម្រៀងប្រុស ផែន បូទី ដែលមានជំនាញខាងនិពន្ធបទភ្លេងផងនោះ បានឲ្យតម្រុយមួយថាលោកនឹងចេញទៅរស់នៅប្រទេសដ៏ស្រស់ស្អាតមួយនៅប៉ែកអ៊ឺរ៉ុប គឺប្រទេស អូទ្រីស។ តម្រុយនេះ ត្រូវបានលោកបញ្ចេញនៅរសៀលថ្ងៃទី៤ ខែមីនា នេះ តាមបណ្ដាញសង្គមFacebook។
លោក ផែន បូទី និយាយថា លោកនឹងបើកបង្រៀននិពន្ធបទភ្លេង Mix &Masterដល់បងប្អូនគ្រប់គ្នា មុននឹងលោកចេញទៅរស់នៅប្រទេស អូទ្រីស។ លោកនិយាយបែបនេះ នៅពេលលោកទៅបង្រៀននិពន្ធបទភ្លេងប្អូនប្រុសម្នាក់ដល់ស្ទូឌីយោផ្ទាល់តែម្ដង៖"មកបង្រៀនដល់ផ្ទះតែម្ដង រកឯណាបាន ប្អូនវីរៈ ត្រៀមលុយបង់ថ្លៃបង្រៀននិពន្ធបទភ្លេង Mix & Master ម៉ាស្ដង់ដា ៣០០០ដុល្លារ គាត់សុំបង់រំលស់"។
Sabay មិនទាន់អាចទាក់ទងតារាចម្រៀង ផែន បូទី ដែលមានសង្សារជាជនជាតិបរទេស ដើម្បីបញ្ជាក់បន្ថែមថា អ្វីដែលលោកឲ្យតម្រុយថាទៅរស់នៅបរទេសនេះជាការពិតដែរឬទេ ហើយបើជាការពិតនឹងចេញទៅរស់នៅនៅថ្ងៃណា បានទេ គិតត្រឹមម៉ោង៤រសៀលថ្ងៃទី៤ ខែមីនា នេះ។
បន្ទាប់ពីលោកបានបញ្ចេញសារដ៏កម្រទាក់ទងនឹងជីវិតឯកជនរបស់លោកតាមបណ្ដាញសង្គមនៅមុននេះ មានអ្នកគាំទ្រលោកជាច្រើនគិតថា ផែន បូទី ដែលមានទេពកោសល្យទាំងការច្រៀង និងបទភ្លេងនោះ នឹងចេញទៅរស់នៅជាមួយសង្សារដែលជាជនបទេស ក្រោយពីរៀបការរួចនៅស្រុកខ្មែរ។ ប៉ុន្តែការពិតយ៉ាងណានោះសាមីខ្លួនមិនទាន់ចេញមុខស្រាយចម្ងល់ទាំងនេះនៅឡើយទេ៕
