- 2021-04-12 08:37:59
- ព័ត៌មាន
តារាប្រុស K-Pop ៣នាក់ ជ្រើស RM ជាបុគ្គលគំរូប្រចាំវិស័យ និងជីវិតនេះ
- 2021-04-12 08:37:59
- ចំនួនមតិ 0 | ចំនួនចែករំលែក 0
តារាប្រុស K-Pop ៣នាក់ ជ្រើស RM ជាបុគ្គលគំរូប្រចាំវិស័យ និងជីវិតនេះ
ចន្លោះមិនឃើញ
RM (BTS) ត្រូវបានគេស្គាល់ថាជាមេដឹកនាំក្រុមដ៏ឆ្លាតវៃ ក្លាហាន ពោរពេញទៅដោយសមត្ថភាព និងស័ក្តិសមបំផុតសម្រាប់លោកដែលមានឈ្មោះជា Leader ក្រុមចម្រៀងលំដាប់ពិភពលោក BTS។
ដោយសារទំនួលខុសត្រូវ និងសមត្ថភាពទាំងក្នុងនិងក្រៅបែបនេះហើយ ទើបតារាប្រុសរូបនេះត្រូវបានគេជ្រើសជាគំរូ ជាពិសេសតារាៗរួមអាជីព និងបូករួមទាំងសមាជិកក្នុងក្រុមម្នាក់ដែរ។
តារាប្រុស ៣នាក់ដែលសុទ្ធតែចាត់ទុក RM ជាគំរូនោះមាន៖
១. Bang Chan (Stray Kids)
ក្នុងនាមលោកក៏ជា Leader របស់ក្រុមម្នាក់ដែរ លោកពិតជាសរសើរនឹងភាពជាអ្នកដឹកនាំរបស់ RM ណាស់។ Bang Chan ធ្លាប់និយាយថា៖ «ដឹងទេ? គាត់ (RM) ត្រូវបានគេស្គាល់ថាជាមេក្រុមដ៏ឆ្នើមម្នាក់ ខ្ញុំក៏ចង់លើកគាត់មកធ្វើជាបុគ្គលគំរូធំបំផុតដូចគ្នា។ ខ្ញុំគិតថា គាត់គឺជាបុរសម្នាក់ដែលអស្ចារ្យ ហើយគាត់ឆ្លាតណាស់»។
២. Jungwon (ENHYPEN)
ក្នុងបទសម្ភាសជាមួយនឹង Teen Vogue សមាជិក ENHYPEN រូបនេះបាននិយាយពីតួនាទីខ្លួនក្នុងនាមជា Leader របស់ក្រុម ហើយក៏ដូចជាសប្បាយចិត្តដែលសមាជិករួមក្រុមពេញចិត្តនឹងអ្វីដែលលោកណែនាំ និងដឹកនាំឲ្យដើរទៅមុខរួមគ្នា។ បន្ថែមពីលើនេះ Jungwoon ក៏បានលើកពី RM ដែរ។
«ខ្ញុំយកគំរូរៀមច្បង RM (BTS) ព្រោះខ្ញុំគិតថាគាត់គឺជាមេក្រុមដ៏ល្អ ហើយមានអ្វីច្រើនដែលគួររៀនពីគាត់ តាំងពីការយកចិត្តទុកដាក់ស្ដាប់សមាជិកក្នុងក្រុម និងការដោះស្រាយបញ្ហានានា» - Jungwoon។
៣. Jungkook (BTS)
សូម្បីសមាជិករួមក្រុមគឺ Jungkook ក៏បានជ្រើសយក RM ជាបុគ្គលគំរូសម្រាប់ខ្លួនដែរ ហើយគិតតាំងពីការសម្រេចចូល Big Hit ដំបូង ក៏ដោយសារ RM ដែរ ទើប Jungkook ចូល។
ដោយឡែក ដូចកាលពីពេលថ្មីៗក្នុងកម្មវិធីពិសេស Let’s BTS របស់ទូរទស្សន៍ KBS កូនពៅ BTS បានលើកសរសើរថា RM មានន័យយ៉ាងណាចំពោះលោក។ Jungkook ថា លោករៀនសូត្របានច្រើនណាស់ពី RM ទាំងចំណេះដឹងខាងតន្ត្រី និងភាពជាមនុស្សត្រឹមត្រូវពេញលក្ខណៈ។ សម្ដីចុងក្រោយ Jungkook និយាយឡើងពិតជាចាក់ដោតបំផុតថា៖ «ខ្ញុំសង្ឃឹមថា គាត់ (RM) អាចបន្តធ្វើជា Leader របស់ខ្ញុំបានយូរតទៀតក្នុងជីវិតនេះ»៕