- 2021-06-23 02:49:17
- ព័ត៌មាន
COVID-19 ចូលខ្លួនតារា K-Pop ម្នាក់ទៀតហើយ គឺចំ Jisoo (Lovelyz)
- 2021-06-23 02:49:17
- ចំនួនមតិ 0 | ចំនួនចែករំលែក 0
COVID-19 ចូលខ្លួនតារា K-Pop ម្នាក់ទៀតហើយ គឺចំ Jisoo (Lovelyz)
ចន្លោះមិនឃើញ
ផលិតកម្ម Woolim Entertainment បានចេញសេចក្ដីជូនដំណឹងថា Jisoo (Lovelyz) បានឆ្លងមេរោគកូវីដ ១៩ ហើយ។
សេចក្ដីប្រកាសនោះមានខ្លឹមសារដូចខាងក្រោម៖
«សួស្ដី នេះគឺ Woolim Entertainment
សមាជិក Lovelyz គឺ Seo Jisoo បានទទួលលទ្ធផលធ្វើតេស្តរកមេរោគកូវីដ១៩ហើយកាលពីថ្ងៃទី២២ ខែមិថុនា។
នៅថ្ងៃទី២១ ខែមិថុនា នាងបានដឹងខ្លួនថា មនុស្សម្នាក់ដែលនៅជិតនាងមានសញ្ញាវិជ្ជមានកូវីដ។ នាងក៏បានទៅធ្វើតេស្តភ្លាមៗតែម្ដង ហើយលទ្ធផលចេញមកគឺ នាងក៏បានឆ្លងដែរនៅថ្ងៃទី២២ ខែមិថុនា។
ជាលទ្ធផល រាល់ការងារដែលត្រូវមានវត្តមាននាងទាំងអស់ នឹងត្រូវផ្អាកសិន ហើយយើងនឹងអនុវត្តតាមគោលការណ៍ណែនាំរបស់ក្រសួងសុខាភិបាល។
សមាជិក Lovelyz ត្រូវបានគេដឹងថា មានទំនាក់ទំនងជិតស្និទ្ធនឹងគ្នា ហើយគ្រប់គ្នា ព្រមទាំងក្រុមការងារទាំងអស់ត្រូវបានទៅធ្វើតេស្តកាលពីរសៀលថ្ងៃទី២២ ខែមិថុនា ហើយបច្ចុប្បន្នពួកគេក៏ត្រូវធ្វើចត្តាឡីស័ករៀងៗខ្លួនដែរ។
យើងចាត់ទុកសុវត្ថិភាពរបស់តារាៗនិងក្រុមការងារជាអាទិភាពចម្បង។
ដរាបណាយើងទទួលបានលទ្ធផលពីការធ្វើតេស្ត យើងនឹងបន្តចាត់វិធានការគោរពទៅតាមការណែនាំរបស់ក្រសួងសុខាភិបាលដែរ។
យើងសូមស្នើសុំឲ្យមានការយោគយល់ពីអ្នកទាំងអស់គ្នា ចំពោះកង្វល់ពេលនេះ ហើយយើងនឹងខិតខំអស់ពីសមត្ថភាព ដើម្បីគោរព និងអនុវត្តតាមការណែនាំទាក់ទងនឹងជំងឺកូវីដ១៩»៕