- 2021-08-02 03:02:02
- ព័ត៌មាន
រឿងភាគកូរ៉េល្បីៗទាំង ១០នេះកាក់កបជាងគេ ដោយត្រូវប្រទេសមួយចំនួនទិញសិទ្ធិយកផលិតជាថ្មី
- 2021-08-02 03:02:02
- ចំនួនមតិ 0 | ចំនួនចែករំលែក 0
រឿងភាគកូរ៉េល្បីៗទាំង ១០នេះកាក់កបជាងគេ ដោយត្រូវប្រទេសមួយចំនួនទិញសិទ្ធិយកផលិតជាថ្មី
ចន្លោះមិនឃើញ
ភាពយន្តភាគកូរ៉េ ពិតជាពេញនិយមបំផុតសម្រាប់អ្នកទស្សនានៅតំបន់អាស៊ី ដោយសារសាច់រឿងប្រទាក់ក្រឡា និងគួរជាទីជក់ចិត្តពីមួយភាគទៅមួយភាគ។ អ្វីដែលគួរឲ្យចាប់អារម្មណ៍ទៅទៀតនោះ ភាពយន្តល្បីមួយចំនួនក៏ត្រូវបាន បណ្ដាប្រទេសជាច្រើនទិញសិទ្ធិយកទៅផលិតតាមដែរ។ សូមទស្សនាដូចខាងក្រោម នូវរឿងភាគចំនួន ១០រឿង ដែលត្រូវបានផលិតសាជាថ្មីដោយប្រទេសផ្សេងៗ៖
១. រឿង «All About Eve»
រឿងនេះបញ្ចាំងនៅឆ្នាំ ២០០០ និងត្រូវបានផលិតសាជាថ្មីដោយប្រទេសហ្វីលីពីននៅឆ្នាំ ២០០៩ ដោយដាក់ចំណងជើងដូចគ្នានេ។ ប្រទេសចិនក៏បានថតរឿងនេះជាថ្មី ដោយដាក់ចំណងជើងថា «Fall In Love With Anchor Beauty» កាលពីឆ្នាំ ២០១០។
២. រឿង «Autumn In My Heart»
រឿងភាគនេះក៏បញ្ចាំងនៅឆ្នាំ ២០០០ដែរ ដោយបញ្ចូលវគ្គ ៤ចូលគ្នាហៅថា «Endless Love»។ ប្រទេសដែលទិញសិទ្ធិយកទៅផលិតបន្តមាន ឥណ្ឌូនេស៊ី ហ្វីលីពីន ថៃ ទួរគី ចិន និងកម្ពុជា។
៣. រឿង «Descendants of the Sun»
ចេញផ្សាយនៅឆ្នាំ ២០១៦ និងភ្លាមៗទទួលបានការគាំទ្រ ល្បីរន្ទឺពេញទ្វីបអាស៊ីទៀត។ ខ្សែភាពយន្តមួយនេះត្រូវបានលើកយកទៅផលិតបន្តដោយប្រទេសចិននៅឆ្នាំ ២០១៧ វៀតណាម នៅឆ្នាំ ២០១៨ និង ហ្វីលីពីននៅឆ្នាំ ២០២០។
៤. រឿង «Good Doctor»
នេះក៏ជាភាពយន្តភាគកូរ៉ដែលទទួលបានការគាំទ្រគគ្រឹកគគ្រេងដែរ ជាមួយនឹងសាច់រឿងផ្ដោតលើទឹកចិត្តគ្រូពេទ្យដែលមាននាទីជួយជីវិតមនុស្ស។ រឿងនេះចេញផ្សាយដំបូងនៅឆ្នាំ ២០១៣ ហើយដោយសារតែភាពជោគជ័យរបស់វា ទើបត្រូវបានសហរដ្ឋអាមេរិក ជប៉ុន និងទួរគី។
៥. រឿង «I’m Sorry, I Love You»
ភាពយន្តភាគចេញផ្សាយនៅឆ្នាំ ២០០៤ មួយនេះនិយាយពីជនបោកប្រាស់ដែលជួបរឿងលំបាកក្នុងជីវិត ហើយបានជួបនឹងនារីម្នាក់រហូតធ្លាក់ក្នុងអន្លង់ស្នេហ៍។ រឿងនេះត្រូវបានផលិតជាថ្មីដោយប្រទេសទួរគីនៅឆ្នាំ ២០១៣ **ចិន**ផលិតនៅឆ្នាំ ២០១៤ ថៃផលិតនៅឆ្នាំ ២០១៦ និង **ជប៉ុន**ថតនៅឆ្នាំ ២០១៧។
៦. រឿង «My Love from the Star»
រឿងនេះផ្សាយនៅឆ្នាំ ២០១៣-២០១៤ និងត្រូវបានចិនទិញសិទ្ធិយកទៅផលិតបន្តបន្ទាប់ដេញជាស៊េរីនៅឆ្នាំ ២០១៤ ២០១៦ ២០១៧ ២០១៨ និង ២០១៩។ ចំណែកនៅប្រទេសហ្វីលីពីនក៏មាន Version របស់ខ្លួន ដោយចេញនៅឆ្នាំ ២០១៧ ហើយចុងក្រោយគេគឺថៃ ដែលផលិតនៅឆ្នាំ ២០១៩។
៧. រឿង «Signal»
ដោយសារសន្ទុះនៃការគាំទ្រខ្លាំងក្លាពេក ទើបរឿងនេះត្រូវបានប្រទេសជប៉ុនទិញសិទ្ធិផលិតបន្តនៅឆ្នាំ ២០១៨ ស្របពេលចិនទិញសិទ្ធិផលិតបន្តនៅឆ្នាំ ២០១៩។
៨. រឿង «Stairway to Heaven»
ភាពយន្តកម្សត់មួយរឿងនេះបង្ហាញមុខដំបូងនៅឆ្នាំ ២០០៣ និង ២០០៤។ ខ្សែរឿងពិតជាកម្សត់ហួសនិស្ស័យ និយាយពីរឿងរ៉ាវស្នេហាប្រទាក់ក្រឡាមិនចេះស្វាង។ រឿងនេះត្រូវ ហ្វីលីពីនផលិតជាថ្មីនៅឆ្នាំ ២០០៩ ឥណ្ឌូនេស៊ីថតនៅឆ្នាំ ២០១១ ស្របពេលកម្ពុជា និងរុស្ស៊ីផលិតរឿងនេះជាថ្មីនៅឆ្នាំ ២០១៦ដូចគ្នា។
៩. រឿង «Voice»
រឿងនេះចេញផ្សាយជាផ្លូវការតាំងពីឆ្នាំ ២០១៧ ហើយតាមព័ត៌មាននឹងមានរដូវកាលទី ៤ ដែលគ្រោងនឹងបញ្ចាំងនៅឆ្នាំ ២០២១នេះ។ ល្បីម្ល៉ឹងៗពិតជាក្លាយជាការចាប់អារម្មណ៍ខ្លាំងចំពោះជប៉ុន និងថៃ ទើបប្រទេសទាំង ២ទិញសិទ្ធិយកទៅផលិតជា Version ប្រទេសរបស់ខ្លួន។
១០. រឿង «Winter Sonata»
រឿងភាគនេះ ស្ថិតក្នុងវគ្គផ្សេងទៀតរបស់រឿង «Endless Love» ដោយវាត្រូវបានជប៉ុន សម្រេចផលិតជា Comic នៅឆ្នាំ ២០០៤ និងគំនូរជីវចលនៅឆ្នាំ ២០០៩ ឯចិន និងឥណ្ឌូនេស៊ីវិញផលិតជារឿងភាគទាំងស្រុងនៅឆ្នាំ ២០១២៕
