នេះហើយកូនខ្មែរវ័យទើប១៩ឆ្នាំ តែបណ្ដែតខ្លួនចេញមុខជាតារាម៉ូដែល ប្រចាំក្រុមហ៊ុនដ៏ល្បីនៅសិង្ហបុរី

2021-08-03 04:50:57
ព័ត៌មាន

2021-08-03 04:50:57
ចំនួនមតិ 0 | ចំនួនចែករំលែក 0

ចន្លោះមិនឃើញ

វិស័យបង្ហាញម៉ូដរបស់កម្ពុជាពេលនេះកាន់តែមានឈ្មោះល្បីល្បាញខ្លាំងឡើងៗ ហើយបរទេសក៏កោតសរសើរហូរហែដែរ។ ជាមួយគ្នានេះថ្មីៗកន្លងទៅ យុវជនម្នាក់ដេលត្រូវបានគេស្គាល់ថាជា តារាបង្ហាញម៉ូដ គឺ Mr. David កំពុងធ្វើឲ្យមហាជនមានការភ្ញាក់ផ្អើលនឹងសម្រស់ស្រស់សង្ហា ជាពិសេសលោកក៏មានឈាមជ័រជាខ្មែរដែរ។

David ដែលបច្ចុប្បន្នមានអាយុ ១៩ឆ្នាំ មានឈ្មោះពិត អ៊ឹង ហាវ (Eung Hao) ជាអ្នកមានស្រុកកំណើតនៅខេត្ត បាត់ដំបង ហើយបច្ចុប្បន្នលោកគឺជានិស្សិតដែលកំពុងបន្តការសិក្សានៅប្រទេសសិង្ហបុរី ព្រមទាំងចាប់យកអាជីពការងារសិល្បៈនៅទីនោះផ្ទាល់។

ប្រជាប្រិយភាពរបស់តារាប្រុសរូបនេះ ឡើងគួរសមទាំងក្នុង និងក្រៅប្រទេស ហើយជាដំណឹងល្អថ្មីៗ ក្រុមហ៊ុនគ្រប់គ្រងសិល្បៈ (Agency) ដ៏ធំមួយក្នុងប្រទេសសិង្ហបុរី បានចុះកិច្ចព្រមព្រៀង ដោយស្វាគមន៍ David ចូលជាសមាជិកថ្មីប្រចាំក្រុមហ៊ុនជាផ្លូវការនៅថ្ងៃទី ០១ ខែសីហា ឆ្នាំ២០២១។

គ្រាន់តែចូលភ្លាម បណ្ដា Brand ល្បីៗពិតជាផ្ដោតការចាប់អារម្មណ៍មិនធម្មតាចំពោះតារាប្រុសរូបនេះ ហើយក៏អញ្ជើញលោកឲ្យចូលរួមសម្ដែងជាមួយនឹងតារាជើងចាស់ជាច្រើនរូបទៀតដែររបស់សិង្ហបុរី ស្របពេលលោកក៏ធ្លាប់មានបទពិសោធក្នុងការសម្ដែងរឿងកាលពីនៅកម្ពុជាដែរ។

ខាងក្រោមជាការសម្ដែងរបស់ David ក្នុងរឿងខ្មែរ៖

Agency នោះមានឈ្មោះថា TCP (The Changing Point Media Group) គឺជាក្រុមហ៊ុនគ្រប់គ្រងសិល្បៈដែលមានឈ្មោះល្បីល្បាញប្រចាំប្រទេសនេះ។ មានតារាជាច្រើន ដែលស្ថិតនៅក្រោមការគ្រប់គ្រងរបស់ Agency នេះរួមមាន៖ Tasha Low (តារា K-Pop), Joel Choo (កូនប្រុសតារាសម្ដែងដ៏ល្បី Zhu Hou Ren) និងតារាជាច្រើនរូបទៀត។

Joel Choo និងឪពុក

ដោយឡែក វត្តមានរបស់ David ក្នុងក្រុមហ៊ុននេះ នឹងនាំកេរ្តិ៍ឈ្មោះរបស់លោកហក់ឡើង ហើយលោកក៏នឹងព្យាយាមបង្ហាញសមត្ថភាពជាបន្តបន្ទាប់ ឲ្យអស់ពីសមត្ថភាពទៅដល់គ្រប់គ្នា ដើម្បីឲ្យពិភពលោកដឹងថា កូនខ្មែរក៏មិនចាញ់ប្រទេសដទៃដែរ ព្រមទាំងសន្យាមិនធ្វើឲ្យជនរួមជាតិ និងអ្នកគាំទ្រទាំងអស់ខកបំណងទេ៕