ផ្អើលពេញហ្នឹង! បុរសម្នាក់រត់ឡើងលើឆាកពេល Britney Spears កំពុងសម្ដែង!(វីដេអូ)

2017-08-11 02:36:31
វីដេអូ

2017-08-11 02:36:31
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាចម្រៀងប៉ុប Britney Spears មានអារម្មណ៍ភ័យខ្លាចបន្ទាប់ពីបុរសម្នាក់បានរត់ទៅរកនាងលើឆាកកាលពីយប់ថ្ងៃពុធនៅកម្មវិធីប្រគំតន្ត្រី "Piece Of Me” ដែលមានទីតាំងនៅ Planet Hollywood ទីក្រុង Las Vegas។

តារាចម្រៀង Britney Spears

នៅក្នុងវីដេអូដែលអ្នកគាំទ្រថតបានក្នុងហេតុការណ៍នោះ Britney ត្រូវបានគេឮត្រហេបត្រហបសួរអង្គរក្សនាងថាបុរសម្នាក់នោះមានកាំភ្លើងឫអត់?

ខាងស្នាក់ការប៉ូលិសប្រចាំទីក្រុង Las Vegas បានកត់សម្គាល់បុរស ដែលត្រូវបានគេចាប់កាលពីថ្ងៃពុធម្នាក់នោះថា មានអាយុ៣៧ឆ្នាំ ឈ្មោះលោក Jesse Webb នៅក្នុងសេចក្ដីថ្លែងការណ៍ទៅកាន់សារព័ត៌មាន DailyMail។

លោក Jesse Webb

ខណៈពេលដែលមានរឿងនោះកើតឡើង Britney ត្រូវបានគេឃើញថាកំពុងតែសំដែងលើឆាក ហើយក៏ត្រូវផ្អាកជាបណ្ដោះអាសន្ន ដែលនាងបាននិយាយដោយឆ្ងល់ថា៖ "មានរឿងអ្វីកើតឡើង?”។

បន្ទាប់មកទើបនាងសាកសួរអង្គរក្សរបស់នាងថា៖ "បុរសម្នាក់នោះមានកាំភ្លើងមែនទេ?”។

Britney Spears ត្រូវបានអមដោយអង្គរក្សនិងអ្នករាំ បណ្ដើរទៅខាងក្រោយឆាកបន្ទាប់ពីផ្អាកការសម្ដែងជាបណ្ដោះអាសន្ន ខណៈដែលបុរសម្នាក់នោះត្រូវគេចោមរោមដើម្បីចាប់ខ្លួន។

ចំពោះមូលហេតុដែលបណ្ដាលឲ្យបុរសម្នាក់នោះរត់ឡើងលើឆាកគឺមិនទាន់ដឹងនៅឡើយ៕