មនុស្សដែលខ្ញុំចងចាំ

គ្រាមុន ញឹម ចាន់ថន ដើរលក់ CD តាមផ្សារ គ្រាមុន ញឹម ចាន់ថន ដើរលក់ CD តាមផ្សារ

2016-08-04 17:36:49
Road Safety

ទស្សនិកជនមាននៅចាំក្រុមចម្រៀង High Rock ដែលមានកញ្ញា ញឹម ចាន់ថន លោក មាស សុខរតនៈ លោក ហេង កាន់ឌី លោក ម៉ៃ សុគន្ធ នឹង កញ្ញា ស៊ឹម ថៃណា ដែរឬទេ។ មុនឈានដល់ទស្សនិកជនស្គាល់ តារាចម្រៀងមួយក្រុមនេះបានចូលប្រាក់គ្នាធ្វើ CD ដើរលក់ដោយខ្លួនឯង តាមផ្សារស្ទើរគ្រប់ក្នុងរាជធានីភ្នំពេញ។ កញ្ញា ញឹម ចាន់ថន អតីតតារាចម្រៀងល្បីម្នាក់ ក្នុងចំណោមតារាចម្រៀងខាងលើបានរម្លឹកពីអនុស្សាវរីយ៍ ទាំងនោះជាមួយ Sabay ដោយនាងចាត់ទុកថា វាជាអនុស្សាវរីយមួយដែលមិនអាចបំភ្លេចបាន ក្នុងជីវិតសិល្បរបស់ខ្លួន។ តារាស្រីមានកំណើតមកពីខេត្ត កំពតម្នាក់នេះ បានរៀបរាប់ឲ្យដឹងថា កាលបង្កើតក្រុម High Rock ដំបូង ជួបការលំបាកខ្លាំង ទោះបីជាម្នាក់ៗមានបទចម្រៀងហើយក្ដី ត្បិតអីត្រូវធ្វើទីផ្សារឲ្យដើរល្អ។ ដើម្បីសម្រេចការងារនេះ សមាជិកក្រុមរបស់នាងបានចូលប្រាក់គ្នាធ្វើ CD ហើយក្នុងនោះដែរ តារាចម្រៀងទាំងអស់ ត្រូវកាន់ CD នោះដើរលក់តាមផ្សារគ្រប់គ្នា។ ជាក្រុមថ្មីមិនទាន់មានគេស្គាល់ ទោះបីជាមាន CD រួចហើយ ក៏ពិបាកក្នុងការលក់លើទីផ្សារដែរ ញឹម ចាន់ថន លើកឡើងថា ដើម្បីឲ្យគេទិញ CD របស់ខ្លួន ម្នាក់ៗរកវិធីជាច្រើន ដោយនៅក្នុងនោះ វិធីផ្ញើ តាមតូបឲ្យគេជួយលក់ឲ្យ គឺជាកត្តាចម្បង។ ចាន់ថន បានបន្តថា កាលនោះក្រុម High Rock ពិបាកតែ១វ៉ុលដំបូងប៉ុណ្ណោះ នៅវ៉ុលបន្ទាប់ក្រុមមួយនេះ ត្រូវបានក្រុមហ៊ុនមហោសថ ចេញមុខជួយឧបត្ថម្ភជាបន្តបន្ទាប់។ បច្ចុប្បន្នសមាជិកនៃ ក្រុម High Rock បានចែកផ្លូវគ្នាទៅរកទ្រនំផ្សេងៗ ហើយអ្នកខ្លះបានប្ដូរអាជីពជាតារាចម្រៀងទៅជា អ្នកនិពន្ធ ក៏ដូចជាអ្នកជំនួញជាដើម៕ អត្ថបទ៖ ខុត សីហា