Sabay news entertainment

បើមានឈ្មោះជាតារាក្នុងវិថីសិល្បៈក៏ដោយ ក៏នៅតែមានតារាខ្លះបានឆ្លៀតពេលសិក្សា ដើម្បីក្រេបយកចំណេះដឹងបន្ថែមទៀត។ ជាក់ស្ដែងថ្ងៃនេះ Sabay សូមណែនាំតារាប្រុសវ័យក្មេង ៥ រូបបានសិក្សាដល់អនុបណ្ឌិតនេះក្នុងនោះរួមមាន៖ ១.មុំ សុធារ៉ា ៖ បញ្ចប់អនុបណ្ឌិតជំនាញគ្រប់គ្រង សុធារ៉ា បានបញ្ចប់ការសិក្សាថ្នាក់អនុបណ្ឌិតផ្នែកគ្រប់គ្រងតាំងពីឆ្នាំ២០១២ នៅសាកលវិទ្យាល័យជាតិគ្រប់គ្រង។ លោកប្រាប់ថា មានបំណងបន្តយកបណ្ឌិតទៀត។ ២.ឈុន វីរៈកោសល្យ អនុបណ្ឌិតនៅសាកលវិទ្យាល័យមួយនៅប្រទេសអូស្រ្តាលី តារាប្រុសដែលឈ្នះពានរង្វាន់ Best Dress Winner ពីកម្មវិធី ASEAN CELEBRITY EXPLORE QUEST MALAYSIA 2015 ពីប្រទេសម៉ាឡេស៊ី សព្វថ្ងៃបានកំពុងសិក្សាថ្នាក់អនុបណ្ឌិតនៅសាកលវិទ្យាល័យមួយនៅប្រទេសអូស្រ្តាលី។ ៣. ចន ច័ន្ទតារា៖ កំពុងសិក្សាអនុបណ្ឌិតច្បាប់ នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច បុរសវ័យ ២៧ ឆ្នាំរូបនេះបានបញ្ជាក់ទៀតថា ត្រៀមប្រឡងបញ្ចប់ថ្នាក់អនុបណ្ឌិតផ្នែក ច្បាប់នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច នៅក្នុងខែកញ្ញានេះ ដោយឥឡូវកំពុងតែសរសេរសារណា។ ៤.STEP ៖ កំពុងសិក្សាថ្នាក់អនុបណ្ឌិតនៅសកលវិទ្យាល័យ Charles Sturt University សព្វថ្ងៃលោកកំពុងបន្តការសិក្សាថ្នាក់អនុបណ្ឌិតនៅសកលវិទ្យាល័យ Charles Sturt University ដែលជាសកលវិទ្យាល័យមួយមានប្រភពមកពីប្រទេសអូស្ត្រាលីមានទីតាំងនៅកម្ពុជា។ ៥. ចនស៊ី ណូរ៉ា ៖ អនុបណ្ឌិតជំនាញគ្រប់គ្រង រូបភាព៖ផ្ដល់ឲ្យ កំលោះសង្ហាមកពីខេត្តកំពង់ស្ពឺរូបនេះបានបញ្ចប់ការសិក្សាថ្នាក់អនុបណ្ឌិតនៅកំពុងសាកលវិទ្យាល័យដដែលជាតិគ្រប់គ្រងផ្នែកព័ត៌មានវិទ្យាកាលពីពេលថ្មីៗនេះ ។ ពេលបន្ទាប់ Sabay នឹងលើកយកពីការសិក្សារបស់តារាដទៃទៀត! ចុចអាន៖នីឡា ប្ដេជ្ញាមិនចោលការសិក្សា អត្ថបទ៖ទ្រី រ៉ាវី

2016-06-24 17:54:51
ព័ត៌មាន

មុំ សុធារ៉ា ស្រឡាំងកាំង ព្រោះសុខៗរបូតតំណែងតួឯក "ហង្សបាក់ស្លាប" មុំ សុធារ៉ា ស្រឡាំងកាំង ព្រោះសុខៗរបូតតំណែងតួឯក "ហង្សបាក់ស្លាប"...

2016-06-24 17:54:51
ព័ត៌មាន

តារាសម្ដែង មុំ សុធារ៉ា ស្រឡាំងកាំង ព្រោះរបូតតំណែងតួឯកក្នុងរឿងភាគ របស់ស្ថានីយទូរទស្សន៍ប៉ុស្តិ៍លេខ៥ "ហង្សបាក់ស្លាប" ខណៈរឿងនេះលោកបានក្រុងពាលីរួចប៉ុន្តែបែរជាមិនបានថតទៅវិញ។ “ខ្ញុំភ្ញាក់ផ្អើល និងឆ្ងល់ខ្លាំង មិនដឹងថា ខ្លួនឯងមានកំហុសអ្វី បានជាខាងបងៗអ្នកដឹកនាំគាត់ធ្វើចឹង ឬមួយដោយសារពួកខ្ញុំមិនបានចុះកុងត្រា ប៉ុន្តែកាលក្រុងពាលីចប់ខ្ញុំឧស្សាហ៍ខលទៅសួរនាំពួកគាត់ពីរឿងកុងត្រាហើយពួកគាត់ឆ្លើយវិញថាអត់អីទេអូន ចាំបន្តិចទៀតកុងត្រាក៏បាន"។ ធារ៉ា ថ្លែង។ មុំ សុធារ៉ា កាលក្រុងពាលីរឿង "ហង្សបាក់ស្លាប" ជាមួយក្រុមការងារប៉ុស្ត៍លេខ៥ ថ្ងៃ១៧ មីនា មុនក្រុងពាលីរឿង "ហង្សបាក់ស្លាប" ម្ដងទៀតកាលពីថ្ងៃ ២២ មិថុនា ខាងស្ថានីយទូរទស្សន៍ប៉ុស្តិ៍លេខ៥ បានហៅ មុំ សុធារ៉ា ទៅជួបដោយប្រាប់ថា ឥឡូវខាងក្រុមការងាររើសបានតួឯកប្រុសថ្មីហើយ។ នេះបើតាមការរៀបរាប់ពីសាមីខ្លួន។ ធារ៉ា បន្ថែម៖ "ជិតដល់ថ្ងៃក្រុងពាលី សាជាថ្មីកាលពីម្សិលម្ង៉ៃខាងអ្នកដឹកនាំបានហៅខ្ញុំទៅជួប ហើយប្រាប់ថារកបានតួឯកប្រុសរួចហើយ ខ្ញុំស្រឡាំងកាំងតែម្ដង ឆ្ងល់ថាហេតុអ្វីពួកគាត់ធ្វើចឹង យ៉ាងហោចណាស់ក៏ប្រាប់ខ្ញុំឲ្យបានដឹងដែរ បើសិនជាមិនយកខ្ញុំវិញ មិនថាតែខ្ញុំទេដែលបាត់បង់ឱកាសនេះ តួស្រី ម៉ៃយ៉ា ក៏ដូចគ្នា"។ មុំ សុធារ៉ា ជាមួយ សូ ម៉ៃយ៉ា កាលក្រុងពាលី និស្សិតបញ្ចប់អនុបណ្ឌិតផ្នែកគ្រប់គ្រងរូបនេះ បន្តឲ្យដឹងទៀតថា អំឡុងពេលរង់ចាំថតរឿងខាងលើ លោកបានបោះចោលតំណែងតួឯកដល់ទៅ៣រឿង ប៉ុន្តែលទ្ធផលចុងក្រោយទន្សាយក៏រួច ត្រីរ៉ស់ក៏រួច។ ងាកមកសហការីអ្នកដឹកនាំផលិតរឿងរបស់ស្ថានីយទូរទស្សន៍ប៉ុស្តិ៍លេខ៥មួយរូប សុំមិនបញ្ចេញឈ្មោះ ថ្លែងថា ពីដំបូងឡើយរឿង "ហង្សបាក់ស្លាប" ខាងក្រុមហ៊ុនមួយ ដែលស្ថិតនៅក្រោមស្ថានីយប៉ុស្តិ៍លេខ៥ ទទួលយករឿងនេះពីប៉ុស្តិ៍លេខ៥ទៅថត។ ប៉ុន្តែដោយសាររឿងនេះតម្រូវចុះថតនៅតាមសណ្ឋាគារច្រើនហើយសុទ្ធតែមានលំដាប់ផ្កាយ៥ ខាងក្រុមហ៊ុនធ្វើអត់បាន ទើបខាងស្ថានីយទូរទស្សន៍សម្រេចយករឿងនេះមកថតវិញ។ សហការីរូបនោះ ថ្លែង៖ “កាលដំបូងឡើយខាងក្រុមហ៊ុន ដែលនៅក្រោមទូរទស្សន៍ ជាអ្នកទទួលថតរឿងនេះ ប៉ុន្តែដោយសាររឿងនេះ ធំសម្រាប់ប៉ុស្តិ៍ដែរ ហើយត្រូវមានប្លង់ថតនៅតាមសណ្ឋាគារលំដាប់ផ្កាយ៥ច្រើន ជាហេតុធ្វើឲ្យក្រុមហ៊ុនមួយនេះធ្វើអត់បាន ទើបខាងទូរទស្សន៍គេសុំយកវិញ ដោយស្មានថាក្រុមហ៊ុននេះបានប្រាប់ទៅដល់តួអស់ហើយ។ ឥឡូវនេះអ្នកដឹកនាំខាងក្រុមហ៊ុនគាត់នៅប្រទេសថៃឯណោះ"។ ពាក់ព័ន្ធនឹងបញ្ហានេះ អ្នកនាំពាក្យខាងលើប្រាប់ថា អ្នកដឹកនាំខាងស្ថានីយទូរទស្សន៍ខាងលើ បញ្ជាក់ថា ស្ថានីយមិនទទួលខុសត្រូវឡើយ ក្នុងនោះទុកឲ្យខាងក្រុមហ៊ុនដែលធ្វើអត់បាននោះ ជាអ្នកដោះស្រាយ។ យ៉ាងនេះក្ដី បញ្ហានេះដដែល ភាគីខាងក្រុមហ៊ុនដំបូងដែលទទួលយករឿង "ហង្សបាក់ស្លាប" នោះ Sabay មិនទាន់អាចទំនាក់ទំនងបានទេនៅព្រឹកនេះ៕ អត្ថបទ៖ ថា ម៉ាលីដា

2016-05-10 16:31:15
ព័ត៌មាន

តួឯកប្រុស "ហង្សបាក់ស្លាប" មុំ សុធារ៉ា បង្ហាញខ្លួននៅកន្លែងញ៉ាំអាហារតាមផ្លូវ តួឯកប្រុស "ហង្សបាក់ស្លាប" មុំ សុធារ៉ា បង្ហាញខ្លួននៅកន្លែងញ៉ាំអ...

2016-05-10 16:31:15
ព័ត៌មាន

ល្ងាចមិញនេះអ្នកប្រមាញ់រូបភាពរបស់ Sabay បានឃើញតួឯកប្រុសរឿង "ហង្សបាក់ស្លាប" មុំ សុធារ៉ា បាននាំមិត្តភ័ក្ដិប្រុសស្រី ២ នាក់ទៀតទៅអង្គុយញ៉ាំអាហារតាមផ្លូវកៀនវត្ត សារវន្ត។ ក្នុងរូបភាពទាំងនោះបង្ហាញថាតារាប្រុសប្រភពមកពីខេត្តស្វាយរៀងខាងលើធ្វើខ្លួនបែបយុវវ័យសាមញ្ញៗខុសពីពេលសម្ដែងដោយគ្រាន់តែជិះម៉ូតូពាក់អាវយឺតដៃវែង ពណ៌ស្លាបកំភើ ខោវប៊យខ្មៅ ស្បែកជើងប៉ាតតាត្រូវនឹងអាវ និងមួកាតឹបស ។ មួយរយៈមកនេះក្រុមការងារយើងតែងឆ្មក់បានសកម្មភាពតារាខ្មែរជាច្រើនពេលប្រើជីវិតឯកជនធម្មតាដូចមនុស្សទូទៅដែរ។ តាមរយៈរូបភាពទាំងនោះអាចបង្ហាញថាតារាមួយចំនួនមិនដែលប្រកាន់ខ្លួនជាតារាដែលគេតែងនិយាយថា "តារាៗចូលចិត្តតែរបស់ថ្លៃៗ ឬចូលតែហាងទំនើបនោះឡើយ" ៕ អត្ថបទ៖ទ្រី រ៉ាវី

2016-05-04 17:47:54
ព័ត៌មាន

បុរសសង្ហា មុំ សុធារ៉ា បង្ហើបអាថ៌កំបាំងងាយៗធ្វើឲ្យស្បែកស្អាត បុរសសង្ហា មុំ សុធារ៉ា បង្ហើបអាថ៌កំបាំងងាយៗធ្វើឲ្យស្បែកស្អាត

2016-05-04 17:47:54
ព័ត៌មាន

បន្ទាប់ពីចូលសម្ដែងបានមួយរយៈ និងក្ដោបបានតំណែងតួឯកបន្តបន្ទាប់ មុំ សុធារ៉ា ត្រូវបានទស្សនិកជនចាប់អារម្មណ៍នឹងរូបរាងស្រស់សង្ហា និងពណ៌សម្បុរស្បែករបស់លោកថាស្អាតដូចមនុស្សស្រី។ ព្រមជាមួយគ្នានោះដែរសាមីខ្លួនបានបង្ហើបថាលោកមានអាថ៌កំបាំងតិចតួចដែលធ្វើឲ្យស្បែកស្អាតបាននោះគឺឧស្សាហ៍ហាត់ប្រាណ។ ថ្ងៃនេះ និស្សិតបញ្ចប់ថ្នាក់អនុបណ្ឌិតខាងផ្នែកគ្រប់គ្រងរូបនោះបានប្រាប់ Sabay ពីអាថ៌កំបាំងងាយៗទាំងនោះដែលធ្វើឲ្យលោកថែរក្សាស្បែកឲ្យនៅតែស្អាត និងមើលទៅក្មេងជាងវ័យបានគឺការហាត់ប្រាណជាប្រចាំ។ ជារៀងរាល់ថ្ងៃលោកតែងហាត់ប្រាណយ៉ាងតិចឲ្យបាន១ម៉ោង និងការទទួលទានទឹកឲ្យបានច្រើនជាពិសេស គឺផ្លែឈើគ្រប់ប្រភេទព្រោះសម្បូរទៅដោយសារជាតិវីតាមីនគ្រប់ប្រភេទដែលជួយទ្រទ្រង់សុខភាព និងសម្រស់។ “ចំពោះបង ជាធម្មតាបងហាត់ប្រាណលើកអាល់ទែ ១ម៉ោងក្នុងមួយថ្ងៃដើម្បីឲ្យមានរាងស្អាត និងបែកញើសបញ្ចេញជាតិពុលពីក្នុងខ្លួន។ ចំណែកផ្លែឈើវិញ គឺខ្ញុំញ៉ាំគ្រប់ប្រភេទ តែប៉ម ចេក និងល្ហុងជាផ្លែឈើដែលញ៉ាំរាល់ថ្ងៃ។ ទាំងអស់នេះជាវិធីងាយៗដែលបុរសគ្រប់រូបអាចធ្វើបានដែរ”។ ជាចុងក្រោយ ធារ៉ា ក៏បានប្រាប់ពីការការពារស្បែកមុខ និងខ្លួនថា មុនចេញទៅក្រៅ គឺបានលាបឡេការពារ ហើយពេលត្រលប់មកវិញលោកមិនទាន់លុបលាងមុខភ្លាមៗទេ រង់ចាំឲ្យស្បែកត្រជាក់ស៊ុំានឹងបរិយាកាសក្នុងផ្ទះសិន ចាំលាងសម្អាតជាមួយហ្វូមលាងមុខ ហើយពេលយប់លោកនឹងលាបជាប្រភេទឡេផ្ដល់សំណើមផ្សេងទៀត៕ អត្ថបទ៖ទ្រី រ៉ាវី