តួរឿង "Thor” ថាខ្លួនពេញចិត្តនឹងសម្ដែងជាតួ James Bond ជំនាន់ថ្មី

2018-02-07 11:30:00
ភាពយន្ត

2018-02-07 11:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈពេលដែលតារាសម្ដែង Chris Hemsworth កំពុងតែជិតដល់ថ្ងៃបញ្ចប់នៃកុងត្រា ចំពោះតួអង្គ Thor ដោយមានវត្តមានតែក្នុងភាពយន្ត២ទៀតប៉ុណ្ណោះគឺ "Avengers: Infinity Wars” និង "Avengers 4” តារាហូលីវូដសញ្ជាតិអូស្ត្រាលីសារភាពថា ចង់សម្ដែងតួអង្គថ្មីវិញម្ដង។

លោក Chris បានបង្ហាញខ្លួននៅក្នុងកម្មវិធីសម្ភាសន៍មួយឈ្មោះ "Sunrise” របស់ប៉ុស្តិ៍ទូរទស្សន៍អូស្ត្រាលី ដោយត្រូវគេសួរអំពីគម្រោងទៅថ្ងៃអនាគត។ តួអង្គទេពតារន្ទះរូបនេះ បាននិយាយថាខ្លួនផុតកុងត្រា ក្នុងការដើរតួជាតូអង្គនេះហើយ ប៉ុន្តែប្រសិនជា Marvel សម្រេចចិត្តថតភាពយន្ត "Thor” វគ្គទី៤ ខ្លួនអាចនឹងមកសម្ដែងជាលើកចុងក្រោយ។

ក្រៅពីតួអង្គនេះ Chris ត្រូវបានគេសាកសួរ ថាតើខ្លួនពេញចិត្តនឹងសម្ដែងជាតួអង្គ James Bond ក្នុងស៊េរីរឿង 007 ថ្មីឫអត់? តារាមាឌឌាំងរូបនេះ បានឆ្លើយថា ខ្លួនពិតជាពេញចិត្តនឹងសម្ដែង ព្រោះខ្លួនជាអ្នកគាំទ្រស៊េរីរឿងនេះម្នាក់។ ទោះជាយ៉ាងណាក៏ដោយ ក៏លោកបានបញ្ជាក់ថាគួរតែផ្ដល់តួអង្គនេះឲ្យ តារាសម្ដែងសញ្ជាតិអង់គ្លេសវិញ ព្រោះវាស័ក្ដិសមជាង។

ចុះប្រិយមិត្តវិញយល់យ៉ាងណាដែរ តើតារារូបរាងសង្ហាម្នាក់នេះ គួរតែសម្ដែងជាតួអង្គ James Bond ថ្មីឫទេ?