អានបាន១០% លឹម ជាឡាយ ឃ្លានសម្ដែងរឿង"ថ្ងៃមុនស្អប់ ថ្ងៃនេះស្រលាញ់"

2018-03-01 06:39:15
ភាពយន្ត

2018-03-01 06:39:15
ចំនួនមតិ 0 | ចំនួនចែករំលែក 0

ចន្លោះមិនឃើញ

លឹម ជាឡាយ បានបញ្ជាក់ពីអារម្មណ៍ពិត ថា ខ្លួនបានអានសាច់រឿង "ថ្ងៃមុនស្អប់ ថ្ងៃនេះស្រឡាញ់" បានត្រឹមតែ១០ភាគរយប៉ុណ្ណោះ ធ្វើឲ្យលោកជក់ចិត្តចង់សម្ដែងភាពយន្តភាគមួយនេះយ៉ាងខ្លាំង។

តួឯកប្រុសក្នុងរឿង"មន្តស្នេហ៍ក្រមុំបាយឆា" បានរៀបរាប់ថា មូលហេតុដែលខ្លួនចង់សម្ដែងរឿង "ថ្ងៃមុនស្អប់ ថ្ងៃនេះស្រឡាញ់" ដោយសារតែភាពយន្តភាគមួយនេះ មានសាច់រឿងខុសប្លែកពីរឿងមុនៗ ដែលលោកធ្លាប់សម្ដែងនាពេលកន្លងមក។

លោកថា៖" រឿង "ថ្ងៃមុនស្អប់ ថ្ងៃនេះស្រឡាញ់" ខុសប្លែកពីរឿងមុនៗ ព្រោះក្នុងរឿងនេះ ចរិតលក្ខណៈតួអង្គនីមួយៗគឺប្លែកពីគ្នា ដូចខ្ញុំដើរតួអង្គប្រុសឈ្មោះ ហួត យុត្ថានា មានមុខជំនួញរកស៊ីធំមួយ ហើយបានកាច់កុងគ្នា ជាមួយអ្នករកស៊ីដូចគ្នា។ សម្រាប់ខ្ញុំអ្វីដែលពិសេសជាងនេះទៀតគឺសាច់រឿងកាច់កុងឌឺដងជាមួយតួឯកស្រី គ្រាន់តែអានហើយចង់សម្ដែងភ្លាម"។

លឹម ជាឡាយ បន្ថែមថា អ្វីដែលគួរឲ្យចាប់អារម្មណ៍ចំពោះទស្សនិកជននោះ ក្នុងរឿង "ថ្ងៃមុនស្អប់ ថ្ងៃនេះស្រឡាញ់" គឺលោក និងតួឯកប្រុសក្នុងរឿង "ស្រទន់មន្តស្នេហ៍" ប៊ឺរិ បានប៉ះគ្នាលើកដំបូង។ ដូច្នេះលោកជឿជាក់ថា អ្នកគាំទ្រប្រាកដជាប្លែកភ្នែកជាមួយរឿងភាគថ្មីមួយនេះ។

លោកថា៖" ខ្ញុំ និង ប៊ឺរី នឹងសហការគ្នាឲ្យបានល្អពេលសម្ដែង ដើម្បីឲ្យផ្ទៃរឿងទាំងមូល មានភាពទាក់ទាញពីអ្នកទស្សនា ពេលបញ្ចាំងនៅទូរទស្សន៍ PNN”។

លឹម ជាឡាយ ជាមួយ មាន សូនីតា

រឿង"ថ្ងៃមុនស្អប់ ថ្ងៃនេះស្រឡាញ់" ជារឿងប្រលោមលោកដែលមានអ្នកចូលអានយ៉ាងច្រើនលើសលុប ឥឡូវនេះយកមកផលិតកម្មជាខ្សែវីដេអូ មាន ៤០ភាគ ដែលស្ថានីយទូរទស្សន៍ PNN បានប្រកាសថា ខ្លួនបានសិទ្ធិលើប្រលោមលោកមួយនេះ កាលពី ខែ ធ្នូ ឆ្នាំ ២០១៧ កន្លងទៅថ្មីៗ ដើម្បីយកមកផលិតជាខ្សែភាពយន្តភាគរស់រវើកមួយ។

ចំពោះរឿង "ថ្ងៃមុនស្អប់ ថ្ងៃនេះស្រឡាញ់" ទូរទស្សន៍PNN បានត្រៀមថវិកា និងធនធានមនុស្សច្រើនជាងរឿងភាគមុនៗ ដើម្បីបំពេញទៅតាមភាពលំបាកស្មុគស្មាញនៃខ្សែរឿង ដែលមានអ្នកគាំទ្ររាប់លាននាក់៕

អត្ថបទ៖ ឆុង ស៊ីណាន