- 2018-06-06 05:01:31
- ភាពយន្ត
សម្ពោធយប់មិញ រោងកុន IMAX មួយស្មើបើករោងកុនស្តង់ដារ ៤ កន្លែង
- 2018-06-06 05:01:31
- ចំនួនមតិ 0 | ចំនួនចែករំលែក 0
សម្ពោធយប់មិញ រោងកុន IMAX មួយស្មើបើករោងកុនស្តង់ដារ ៤ កន្លែង
ចន្លោះមិនឃើញ
រោងភាពយន្តទំនើប បំពាក់បច្ចេកវិទ្យា IMAX សម្ភោធដំណើរការជាផ្លូវការហើយកាលពីម្សិលមិញ ក្នុងផ្សារទំនើប Aeon Mall សែន សុខ ហើយបើនិយាយពីការវិនិយោគទុនវិញ ខ្ទង់ លាន ដុល្លារអាមេរិក ដែលអាចបង្កើតរោងកុន Standard បាន ៤កន្លែង នេះបើតាមប្រសាសន៍លោក សៅ សុខនី នាយកគ្រប់គ្រង រោងភាពយន្ត Major Cineplex by Smart ។
ថ្លែងបន្តដោយ លោក សៅ សុខនី នាយកគ្រប់គ្រង រោងភាពយន្ត Major Cineplex by Smart ក្នុងឱកាសបើកសម្ភោធរោងកុន IMAX បានឱ្យដឹងទៀតថា រោងភាពយន្ត Cambodia IMAX ជារោងភាពយន្តទំនើបចុងក្រោយមួយរបស់ពិភពលោកដែលមានមិនច្រើនទេ។ លោក សុខនី បន្តថា រីឯបទពិសោធន៍នៃការទស្សនាភាពយន្តក៏កាន់តែមានលក្ខណៈឈានឡើងមួយកម្រិតទៀត គឺ ពីអារម្មណ៍ទស្សនាភាពយន្ត ទៅជាផ្នែកមួយនៃភាពយន្ត មានន័យថា ប្រិយមិត្តទស្សនា IMAX នឹងមានអារម្មណ៍ថាដូចចូលខ្លួនក្នុងភាពយន្តនោះដែរ។
ជាក់ស្ដែងរោងកុនទំនើបនេះ មានកន្លែងធំទូលាយ ដែលអាចផ្ទុកអ្នកទស្សនារហូតដល់ជាង ៤០០ នាក់ និងមានបរិយាកាសដូចរោងមហោស្រពខ្នាតអន្តរជាតិ។ លើសពីនោះ បច្ចេកវិទ្យា IMAX បន្ថែមអារម្មណ៍ដល់ប្រិយមិត្តអ្នកទស្សនារំភើប ជក់ចិត្តជាងរោងកុនធម្មតាច្រើនដង នឹង បរិយាកាស ជុំវិញខ្លួនដោយសូរសម្លេង ធម្មជាតិ និង រូបភាពច្បាស់ត្រជាក់ជាប់ភ្នែក បង្កើតឡើងដោយសារ ផ្ទាំងអេក្រង់ដ៏ធំ របស់ IMAX ដែលតម្រូវឱ្យមានម៉ាស៊ីនបញ្ចាំងកុន IMAXធំ២ រួមគ្នាដំណើរការ។
សម្រាប់រោងកុន IMAX បែងចែកជា ៣ប្រភេទកៅអីអង្គុយ និងមានតម្លៃខុសៗគ្នា ៖
១/ ប្រភេទកៅអី ULTIMATE IMAX ដែលជាប្រភេទកៅអីសាឡុងស្ថិតនៅខាងលើនៃរោងកុង ហើយមានតម្លៃ ២៥$ ដែលជា Couple Set សាកសមសម្រាប់ដៃគូមកទស្សនាភាពយន្តជាមួយគ្នាយ៉ាងរីករាយ។
២/ ប្រភេទកៅអីPRIILEGE IMAX ដែលស្ថិតនៅផ្នែកកណ្ដាលនៃរោងកុង ហើយមានតម្លៃ១០$ សាកសមនឹងកំពូលអ្នកវិភាគកុន ព្រោះវាស្ថិតក្នុងកន្លែងពិសេស អាចធ្វើឱ្យអ្នកមើលកុននិងវិភាគកុនបែកខ្ទិះ ទទួលភាពលម្អិតរបស់សាច់រឿង។
៣/ ប្រភេទកៅអីPREMIUM IMAX ដែលស្ថិតនៅផ្នែកខាងក្រោម ហើយមានតម្លៃត្រឹមតែ ៩$ សម្រាប់ប្រិយមិត្តមកទស្សនាកុនដើម្បីកម្សាន្តសប្បាយរីករាយបំភ្លេចការនឿយហត់ ទៅផ្ទះវិញគេងលក់ស្រួល ៕
