- 2018-07-23 07:20:56
- ភាពយន្ត
"ថ្ងៃមុនស្អប់ ថ្ងៃនេះស្រលាញ់" ScreenPlay ចប់ដោយជោគជ័យ ចំណែកការថតបាន៦០%ហើយ
- 2018-07-23 07:20:56
- ចំនួនមតិ 0 | ចំនួនចែករំលែក 0
"ថ្ងៃមុនស្អប់ ថ្ងៃនេះស្រលាញ់" ScreenPlay ចប់ដោយជោគជ័យ ចំណែកការថតបាន៦០%ហើយ
ចន្លោះមិនឃើញ
ប្រភពពីទូរទស្សន៍ PNN បានឲ្យដឹងថា រឿងភាគដ៏ធំរបស់ខ្លួនដែលគ្រោងថានឹងចេញផ្សាយនៅត្រីមាសចុងក្រោយឆ្នាំនេះ មិនមានការអូសពន្យារពេលអ្វីនោះទេ អាស្រ័យដោយក្រុមការងារបានដំណើរការថតប្រកបដោយលទ្ធផលល្អ។
កញ្ញា ទូចបុប្ផា អ្នកគ្រប់គ្រងកម្មវិធីផ្សាយរបស់ PNN ឲ្យដឹងថា ក្រុមការងារ ថ្ងៃមុនស្អប់ថ្ងៃនេះស្រលាញ់ បានដំណើរការថតរឿងដ៏ល្អមួយនេះក្នុងស្មារតីទទួលខុសត្រូវខ្ពស់ ហើយទាន់ពេលវេលាតាមការគ្រោងទុក។ “ScreenPlay ចប់សព្វគ្រប់ហើយ បន្ទាប់ពីមានការត្រួតពិនិត្យច្រើនគន្លាក់ និងមានបទដ្ឋានកំណត់ត្រឹមត្រូវ ឲ្យសមជាភាពយន្តភាគធំមួយ ហើយតួសម្តែង និងអ្នកដឹកនាំការផលិតបានធ្វើការរបស់ពួកគេយ៉ាងល្អគួរស្ងើចសរសើរ"។
ស្ថានីយទូរទស្សន៍ PNN ចុងក្រោយនេះបានសម្រុកបញ្ចេញភាពយន្តភាគមួយចំនួនដែលមានភាពខុសប្លែកពីគ្នាគួរឲ្យចាប់អារម្មណ៍ ជាហេតុធ្វើឲ្យទូរទស្សន៍នេះកាន់តែក្លាយជាគោលដៅនៃអ្នកទស្សនារឿងភាគខ្មែរ។
អ្នកគ្រប់គ្រងរូបនេះបន្ថែមថា៖ "ថ្ងៃមុនស្អប់ ថ្ងៃនេះស្រលាញ់ គឺជាកម្រងរឿងភាគដ៏ថ្មីមួយទំាងរសនិយម និងបច្ចេកទេស! រឿងនេះមានកម្រិតបទនិពន្ធល្អ ពិបាករកចំណុចខ្សោយ ហើយមានការបកប្រែមកជា ScreenPlay ដោយសម្រិតសម្រាំង មិនឲ្យអ្នកធ្លាប់អានខកចិត្ត និងប្រដូចគ្នាថា វីដេអូមិនស្មើរសៀវភៅនោះឡើយ"។
ប្រលោមលោក "ថ្ងៃមុនស្អប់ ថ្ងៃនេះស្រលាញ់" គឺជារឿងភាគមនោសញ្ចេតនាដ៏ស៊ីជម្រៅ សម្រាប់មនុស្សវ័យក្មេង និងវ័យចំណាស់ បរិយាយអំពីបុរសជាអគ្គទេសាភិបាលធនាគារម្នាក់ដែលមានលាក់ទុកនូវគំនិតដ៏ជ្រាលជ្រៅពិបាកស្មាន ទំាងផ្នែកមនោសញ្ចេតនាអតីត និងការដឹកនាំស្ថាប័នហិរញ្ញវត្ថុលំដាប់ប្រទេស។ បុរសនេះ ឈ្មោះ ហួតស៊ីវ ដែលមានកូនប្រុសបីនាក់ ក្នុងនោះមានតែម្នាក់ប៉ុណ្ណោះជាកូនបង្កើត។
"រឿងនេះសូម្បីតែអ្នកអានណាក៏បានសារភាពថា ត្រូវការអានច្រើនដង ព្រោះស្រលាញ់ពេក ទម្រាំចេញមកជាវីដេអូ គួរតែមានសុទិដ្ឋិនិយមដែរ!»កញ្ញា ទូច បុប្ផា បញ្ជាក់។
"ថ្ងៃមុនស្អប់ ថ្ងៃនេះស្រលាញ់" ជាស្នាដៃអ្នកនិពន្ធ ម៉ីសន សុធារី ដែលចាប់រៀបរៀងនៅឆ្នាំ២០១២ សរសេរចប់នៅឆ្នាំ២០១៤ ហើយក៏ជាប្រលោមលោកដំបូងគេដែលទូរទស្សន៍ក្នុងស្រុកបានឲ្យតម្លៃកម្មសិទ្ធិបញ្ញាខ្ពស់បង្អស់ក្នុងប្រវត្តិនៃការផលិតភាពយន្ត។ ទៅតាមគម្រោង PNNនឹងចេញឈុតផ្លូវការខ្លីរបស់រឿងភាគនេះ នៅខែកញ្ញាខាងមុខ៕
