- 2018-10-24 07:28:10
- ភាពយន្ត
ប៉ុប រចនា សង្ឃឹមថាមិនជួបរឿងរន្ធត់ដូច នី មុន្នីនាថ ក្នុងរឿងភាគថ្មី
- 2018-10-24 07:28:10
- ចំនួនមតិ 0 | ចំនួនចែករំលែក 0
ប៉ុប រចនា សង្ឃឹមថាមិនជួបរឿងរន្ធត់ដូច នី មុន្នីនាថ ក្នុងរឿងភាគថ្មី
ចន្លោះមិនឃើញ
នៅព្រឹកមិញនេះទូរទស្សន៍ប៉ុស្តិ៍លេខ៥ និងផលិតកម្ម B &S បានធ្វើពិធីក្រុងពាលីចេញថតជាផ្លូវការនូវខ្សែភាពយន្តភាគរឿង"វិញ្ញាណស្នេហ៍" នៅ B&S Gooday ជិតសាលាបាក់ទូក។ ជាមួយគ្នានេះដែរ ប៉ុប រចនា តួឯកស្រីក្នុងរឿងខាងលើសង្ឃឹមថាមិនជួបខ្មោចលងដូច នី មុន្នីនាថ នៅពេលចេញថត។
ប៉ុប រចនា ថា ក្នុងរឿង"វិញ្ញាណស្នេហ៍" នេះខ្លួន សម្ដែងជាតួកូនភ្លោះម្នាក់នៅរស់ម្នាក់ស្លាប់ដើរលងបន្លាចគេឲ្យខ្លាចគ្រប់គ្នា។ ត្រង់ឈុតឆាកសម្ដែងជាតួអង្គស្លាប់នេះហើយទើបធ្វើឲ្យនាង ខ្លាចត្រូវជួបខ្មោចលងពិតៗដូច នី មុន្នីនាថ ក្នុងរឿង "នាងនាថបាត់ដំបង"។
“គ្រាន់តែនិយាយក៏ព្រឺសម្បុរដែរបង ព្រោះខ្ញុំខ្លាចខ្មោចខ្លាំងណាស់ហើយសម្ដែងជាតួអង្គខ្មោចទៀត បើជួបខ្មោចដូចបងនាថ មិនដឹងធ្វើចិត្តយ៉ាងណាទេ។ ទោះបីជាខ្ញុំខ្លាចខ្មោចតែខ្ញុំនឹងប្រឹងប្រែងឲ្យអស់ពីសមត្ថភាពនៅពេលសម្ដែងរឿង មិនឲ្យអ្នកដឹកនាំក៏ដូចជាក្រុមការងារខកបំណងឡើយ"។ ប៉ុប រចនា រៀបរាប់។
ក្នុងពិធីក្រុងពាលីភាពយន្តខាងលើលោក ប៊ុន ស៊ា ចាងហ្វាងផលិតកម្មឲ្យដឹងថា រឿង"វិញ្ញាណស្នេហ៍" មាន ៣៧ភាគជាប្រភេទខ្សែភាពយន្តភាគបែបមនោសញ្ចេតនាស្នេហាអូនបង ខ្មោចព្រឺព្រួចលាយឡំជាមួយឈុតឆាកកំប្លែងជាច្រើនផងដែរ។ រឿងនេះគ្រោងនឹងចេញថតចាប់ពីថ្ងៃស្អែកនេះទៅ ត្រៀមចំណាយដើមទុនជាង១០ម៉ឺនដុល្លារក្នុងការផលិត។
ចំពោះទីតាំងថតវិញមាននៅរាជធានីភ្នំពេញ ខេត្តកណ្ដាល កំពង់ស្ពឺ និង កំពង់សោម ជាដើម។ ចូលរួមសម្ដែងដោយ ប៉ុប រចនា លោក បូរមី ព្រមទាំងតារាសម្ដែងប្រុសស្រីជាច្រើនរូបទៀត៕
