- 2018-12-25 10:00:00
- ភាពយន្ត
Soyo បន្តបេសកកម្មលើកស្ទួយវិស័យភាពយន្ត កាន់តែពិសេសសម្រាប់ឆ្នាំ ២០១៩
- 2018-12-25 10:00:00
- ចំនួនមតិ 0 | ចំនួនចែករំលែក 0
Soyo បន្តបេសកកម្មលើកស្ទួយវិស័យភាពយន្ត កាន់តែពិសេសសម្រាប់ឆ្នាំ ២០១៩
ចន្លោះមិនឃើញ
គម្រោងបេសកកម្មធំៗ ៤ ចំនុចសម្រាប់លើកស្ទួយវិស័យភាពយន្តខ្មែរ របស់ Soyo ក្នុងឆ្នាំ ២០១៩ ខាងមុខនេះ ក្រៅតែពីជួយឱ្យទស្សនិកជនទទួលបានការកម្សាន្តកាន់តែអស្ចារ្យ ផលិតករភាពយន្តទទួលបានការលើកទឹកចិត្ត យុវផលិតករជំនាន់ថ្មីនឹងទទួលបានការចូលរួមប្រកួតប្រជែងប្រចាំឆ្នាំ ជាមួយនឹងការបណ្ដុះបណ្ដាលជំនាញផលិតភាពយន្តខ្នាតខ្លីមួយទៀតផង។
លោក ឈៀង ឡេង ប្រធានគ្រប់គ្រង Soyo បញ្ជាក់ឱ្យដឹងដែរថា ឆ្នាំ ២០១៩ Soyo ចាប់ដៃគូរនឹង Smart Axiata បង្កើតភាពយន្តប្រភេទ Web Series ជាប្រភេទរឿងមនោសញ្ចេតនា និងកំប្លែង ២ ចំណងជើងធំៗ ទីមួយគឺរឿង «Magic Dream» និងទី ២ រឿង «Music Magic Love» ដែលនេះជាការបោះជំហានរបស់ Smart Axiata ផងដែរក្នុងការវិនិយោគលើភាពយន្ត ក្រៅពីចម្រៀង Original Song។
ចំនុចទី ២ នោះគឺការសហការណ៍ជាមួយស្ថានីយទូរទស្សន៍PNN ដោយនាំយកភាពយន្តភាគល្បី ច្រើនជា ៣០០ ម៉ោង មកផ្សាយទាំងស្រុងនៅលើ Soyo ក្រោយបញ្ជាំងរួចនៅលើទូរទស្សន៍ដែលមានន័យបើប្រិយមិត្តខកខាន់ទស្សនាភាគណាមួយនៅលើកញ្ចក់ទូរទស្សន៍ ប្រិយមិត្តអាចទស្សនាឡើងវិញ ឬម្តងទៀតនៅលើ Soyo ក្នុងនោះក៏មានកំពូលរឿងភាគប្រចាំឆ្នាំ រឿង «ថ្ងៃមុនស្អប់ ថ្ងៃនេះស្រលាញ់» ផងដែរ។
លោក ឈៀងឡេង បន្តថា Soyo ក៏បានធ្វើការទិញសិទ្ធចែកចាយបន្តរឿងកុនខ្នាតធំពីផលិតកម្មធំៗក្នុងស្រុកដូចជាផលិតកម្ម 802 production, Rock, Z entertainment ជាដើមដើម្បីជាការចូលរួមជួយដល់ផលិតករភាពយន្តក្នុងស្រុកទទួលបានចំនូលបន្ថែមផង និងលើកកម្ពស់ការផលិតរឿងកុនខ្មែរដំណាល់គ្នាដែរ។
លើសពីនេះទៀត សម្រាប់យុវផលិតករភាពយន្ត នឹងមានឱកាសចូលរួមប្រកួតប្រជែងភាពយន្តខ្នាតខ្លី ដែលរៀបចំដោយ Soyo លើកទីមួយធំបំផុត ដោយមានការរៀបចំឱ្យបេក្ខជនទទួលបានការបណ្តុះបណ្ដាលជាមួយផលិតករភាពយន្តមានជំនាញ និងបទពិសោធន៍ ពិសេសទទួលបានថវិកាឧបត្ថម្ភសម្រាប់ចាប់ផ្តើមដំណើរអាជីពរបស់ខ្លួនទៀតផង។ នេះបើតាមការបញ្ជាក់របស់ លោក ឈៀងឡេង អ្នកគ្រប់គ្រង Soyo ៕
