ដើម្បីសម្រេចក្ដីប្រាថ្នាមួយ សន ពិសិដ្ឋ ប្ដេជ្ញារក្សាក្ដីសង្ឃឹមលុះដល់ដង្ហើមចុងក្រោយ នៃជីវិត

2020-05-26 03:21:14
ភាពយន្ត

2020-05-26 03:21:14
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងសម្បូរសាច់ដុំ រូបសង្ហា សន ពិសិដ្ឋ ចង់បង្ហាញសមត្ថភាពសម្ដែងរបស់ខ្លួនលើឈុតឆាកវាយតប់ និងបាញ់ប្រហារឲ្យបានច្រើន បើទោះបីជាភាពយន្តប្រភេទនេះមិនសូវមានទីផ្សារនៅកម្ពុជា។

ពិសិដ្ឋ បានប្រឡូកក្នុងអាជីពសម្ដែងតាំងពីឆ្នាំ២០១៧ ដែលយ៉ាងហោចណាស់លោកមានវត្តមានក្នុងខ្សែភាពយន្តភាគ និងភាពយន្តខ្នាតធំមិនក្រោម៣០រឿងឡើយ។ ប៉ុន្តែរូបលោកធ្លាប់ថតរឿងប្រភេទបាញ់បោះ ឬវាយតប់ដែលជាក្ដីប្រាថ្នារបស់លោកនេះ បានតែ២រឿងគត់ ក្នុងចំណោមរឿងទាំងនោះ គឺរឿង"ផ្កាយមា" និងរឿង"អាគមស្បែកដាច"។

ពិសិដ្ឋ និយាយថា រូបលោកមានក្ដីស្រមៃ ចង់ក្លាយជាតារាសម្ដែងវាយតប់ បាញ់ប្រហារបែប Action ទាំងរឿងសម័យ និងបុរាណ ហើយលោកនឹងមិនបោះបង់ក្ដីស្រមៃនេះទេ ដរាបណាដង្ហើមនៅមាន។

សន ពិសិដ្ឋ បញ្ជាក់ថា ការណ៍ដែលលោកចង់ក្លាយជាតារាសម្ដែងវាយតប់ ឬបាញ់ប្រហារនេះ ធុញទ្រាន់នឹងការសម្ដែងក្នុងរឿងមនោសញ្ចេតនាឡើយ។

ប៉ុន្ដែលោកចង់បញ្ចេញសមត្ថភាពមួយទៀត គឺការសម្ដែងបែបAction ព្រោះលោកធ្លាប់ហាត់ក្បាច់គុនល្បុក្កតោ និងបទពិសោធន៍ខ្លះពីរឿងទាំង២ដែលលោកធ្លាប់ថតនោះ បានជំរុញទឹកចិត្តលោកឲ្យកាន់តែចង់ថតរឿងប្រភេទនេះកាន់តែខ្លាំងឡើង៕

អត្ថបទ៖ ជិន សុភ័ក្ដ្រ