/5efabfe7d40c3_1593491400_medium.jpg)
- 2020-06-30 05:30:00
- ភាពយន្ត
ផលិតករបង្ហើបមូលហេតុ Angelababy បាត់បង់តួសៀវ ឡុងនី ចូលដៃ Michelle Chen
- 2020-06-30 05:30:00
- ចំនួនមតិ 0 | ចំនួនចែករំលែក 0
ផលិតករបង្ហើបមូលហេតុ Angelababy បាត់បង់តួសៀវ ឡុងនី ចូលដៃ Michelle Chen
ចន្លោះមិនឃើញ
ផលិតករ Yu Zheng បានបង្ហើបថា ការដែលលោកមិនអាចយកតារាសម្ដែងស្រីល្បីឈ្មោះចិន Angelababy ដើរតួសៀវ ឡុងនី ក្នុងរឿង ទេពឥន្ទ្រីបក្សីគឺជាការស្ដាយក្រោយដ៏ធំបំផុតនៅក្នុងជីវិតរបស់លោក។
កាលពីថ្ងៃទី ២៩ ខែមិថុនាមុននេះ បណ្ដាញព័ត៌មាន Sina បានបង្ហោះរូបកំពូលតារាសម្ដែងស្រីចិន Angelababy នៅពេលនាងខ្លួនជាតួសៀវ ឡុងនីដើម្បីចូលរួមក្នុងកម្មវិធីមួយ។ ការតែងខ្លួនរបស់អ្នកម្ដាយកូន ១ទទួលបានការសរសើរជាច្រើន ដោយលើកឡើងថានាងស័ក្ដិសមនឹងតួនេះឥតខ្ចោះ។
ក្រោយនោះមិនយូរប៉ុន្មាន អ្នកនិពន្ធ និងផលិតកររឿង ទេពឥន្ទ្រីបក្សីស្នេហ៍ ឆ្នាំ ២០១៦ លោក Yu Zheng ក៏សរសើរការតែងខ្លួននេះ ហើយនិយាយពីការរើសតួរបស់ខ្លួន នៅពេលនោះផងដែរ។ “នៅពេលនោះ បើ Angela មិនឈឺទេ ខ្ញុំនឹងអញ្ជើញនាងថតរឿង ទេពឥន្ទ្រីបក្សីស្នេហ៍ទៅហើយ។ ហើយខ្ញុំក៏មិនត្រូវគេរិះគន់ សើចចំអកច្រើនដល់ថ្នាក់នេះដែរ។ នេះគឺជារឿងដែលខ្ញុំស្ដាយបំផុតនៅក្នុងជីវិត” Yu Zheng ឲ្យដឹង។
យ៉ាងណាក្ដី ការលើកឡើងរបស់ផលិតករនេះត្រូវគេស្ដីបន្ទោសភ្លាមៗ ត្បិតនៅពេលនោះ ដើម្បីការពារ Michelle Chen លោកបានប្រាប់បណ្ដាញព័ត៌មានថា នាងគឺជាតារាដែលលោកចង់បាន ហើយការតែងខ្លួនរបស់នាង ក៏ជាគំនិតរបស់លោកផងដែរ។ អ្នកណាចង់រិះគន់នាង សូមមករកលោកទៅចុះ។
Yu Zheng ត្រូវបានគេថាជាមនុស្សក្រឡិចក្រឡុច ដោយសម្ដីមុន និងក្រោយខុសគ្នា ខ្យល់បក់ទៅណារេតាមហ្នឹង ឃើញតារាណាល្បី នឹងលើកជើងតារានោះ៕
