- 2021-02-24 04:04:44
- ភាពយន្ត
ស្ងាត់ៗ ជា លាងឈែ ទទួលបានតំណែងតួអង្គឯកពីររឿងបាត់ នៅដើមឆ្នាំ២០២១ នេះ!
- 2021-02-24 04:04:44
- ចំនួនមតិ 0 | ចំនួនចែករំលែក 0
ស្ងាត់ៗ ជា លាងឈែ ទទួលបានតំណែងតួអង្គឯកពីររឿងបាត់ នៅដើមឆ្នាំ២០២១ នេះ!
ចន្លោះមិនឃើញ
តារាសម្ដែងប្រុសវ័យក្មេងដែលមានរូបសម្បត្តិស្រដៀងតារាចិនហុងកុង ជា លាងឈែ ឲ្យដឹងថា នៅដើមឆ្នាំ២០២១ នេះ សម្រាប់លោកទទួលបានការងារសិល្បៈល្អៗច្រើន មិនដូចកាលពីដើមឆ្នាំ២០២០ ដែលកម្ពុជាទទួលរងនូវការឆ្លងជំងឺកូវីដ-១៩ ដំបូងឡើយ។
ក្នុងឱកាសដែលតារាសម្ដែងរូបនេះចូលរួមក្នុងពិធីសម្ពោធApp ភាពយន្តមួយនៅរាជធានីភ្នំពេញកាលពីពេលថ្មីៗ បានប្រាប់Sabay ថា រូបលោកទើបថតចប់នូវខ្សែភាពយន្តខ្នាតធំចំនួនពីរ។ នោះគឺរឿង"ស្រីអាក្រក់ប្រុសស្រឡាញ់" និងទី២ រឿង"វាសនានាងហង្សវគ្គ២" ដែលរឿងទាំងពីរនេះមានចាក់នៅលើApp របស់ផលិតកម្មសាស្ត្រាហ្វៀម។
ជា លាងឈែ បញ្ជាក់ថា ខ្សែភាពយន្ដទាំងពីរនេះលោកបានទទួលតំណែងជាតួអង្គឯកទាំងពីររឿង ហើយលោកសង្ឃឹមថា រឿង និងស្ពតផ្សេងដែលលោកគ្រោងនឹងទទួលក្នុងពេលឆាប់ទៀតនេះ នឹងទទួលបានការគាំទ្រច្រើន ហើយនឹងពុំមានបញ្ហាអ្វីកើតឡើងធ្ងន់ធ្ងរដល់ដំណើរការការងារទាំងនេះទេ។
ចុច Subscribe ឆាណែល Telegram របស់ Sabay ដើម្បីទទួលបានព័ត៌មានថ្មីៗ ទាន់ចិត្ត!
លោក ជា លាងឈែ ដែលពេលនេះមានវ័យ៣២ឆ្នាំ កំពុងមានទីផ្សារខ្ពស់លើអាជីពសម្ដែងរបស់ខ្លួន ត្បិតថាកម្ពុជានៅបន្តរងផលប៉ះពាល់ដោយជំងឺកូវីដ-១៩ ក្ដី។ លោកបានប្រឡូកចូលក្នុងវិស័យសិល្បៈតាំងពីឆ្នាំ២០១៣ ហើយគិតមកដល់ពេលនេះលោកបានដើរជាតួអង្គឯក និងតួអង្គសំខាន់ៗក្នុងខ្សែភាពយន្តភាគ និងភាពយន្តខ្នាតធំមិនក្រោម២៥រឿងឡើយ៕
ចុច Subscribe ឆាណែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត!
