កុំបង្អង់យូរ! ឱកាសដាក់ពាក្យបង្ហាញទេពកោសល្យ ក្នុងកម្មវិធី"ល្ខោនតន្ដ្រីរាជិនីសំឡេងមាស" នៅមាន

2024-03-14 07:48:06
ភាពយន្ត

2024-03-14 07:48:06
ចំនួនមតិ 0 | ចំនួនចែករំលែក 0

ចន្លោះមិនឃើញ

សហផលិតករ នៃកម្មវិធី "ល្ខោនតន្ដ្រីរាជិនីសំឡេងមាស" ដែលជាកម្មវិធីទើបបង្កើតដំបូងគេនៅកម្ពុជា បានប្រកាសនៅថ្ងៃទី១៤ ខែមីនា ឆ្នាំ២០២៤ នេះ ថា ក្រុមការងារនៅតែបន្ដបើកទទួលពាក្យពីបេក្ខជន ក្រោយគេសង្កេតឃើញថា មានអ្នកចាប់អារម្មណ៍កម្មវិធីនេះមួយចំនួនទើបដឹង ហើយសួរថានៅដាក់ពាក្យបានដែរអត់។

តាមរយៈទំព័រហ្វេសប៊ុកផ្លូវការរបស់អង្គការ សកម្មភាព សិល្បៈ បេក្ខជន និងបេក្ខនារីនៅតែអាចដាក់ពាក្យចូលរួមការងារ និងសម្ដែងក្នុងកម្មវិធីនេះតាមរយៈLink ដែលមានភ្ជាប់នៅលើPage នេះផ្ទាល់។ ក្រុមការងារនឹងបន្ដទទួលពាក្យរហូតដល់ដំណាច់ខែមីនា នេះ ដើម្បីបង្ហាញសមត្ថភាព និងទេពកោសល្យ មុនឆ្ពោះទៅកាន់ការបង្ហាញទស្សនីយភាពដ៏អស្ចារ្យ នៃកម្មវិធីនេះ នាអំឡុងខែមិថុនា ឆ្នាំ២០២៤។

សូមរំលឹកថា ផលិតករសម័យ និងផលិតករសិល្បៈបុរាណជាច្រើនរូប បានរួមគ្នាបង្កើតនូវផ្ទាំងទស្សនីយភាព ល្ខោនតន្ត្រី “រាជនីសំឡេងមាស” ដែលរៀបរាប់ពីជីវិតពិតលើវិថីសិល្បៈរបស់អធិរាជសំឡេងមាស ស៊ីន ស៊ីសាមុត និងលោកស្រី រស់ សេរីសុទ្ធា។ ល្ខោនតន្ត្រីនិយាយអំពីជីវិតពិតអធិរាជ និងរាជិនីសំឡេងមាសដំបូងបង្អស់នៅកម្ពុជានេះ បានប្រកាសជាផ្លូវការកាលពីថ្ងៃទី៨ មីនា ២០២៤ ក្រោមវត្ដមានរបស់ផលិតករជាតិ-អន្ដរជាតិ ព្រមទាំងសិល្បៈករមួយចំនួនផងដែរ នៅឯសណ្ឋាគារ រ័ហ្វហ្វលស៍ ឡឺ រ៉ូយ៉ាល់៕

សូមចុចនៅទីនេះ ដើម្បីចុះឈ្មោះបង្ហាញសមត្ថភាពក្នុងកម្មវិធីដ៏អស្ចារ្យនេះ