អ្នកដឹកនាំភាពយន្ត ឈ្នះពានអូស្ការ លោក Christopher Nolan នឹងនាំអារម្មណ៍ទស្សនិកជនទៅកាន់សម័យកាលបុរាណរបស់ក្រិក តាមរយៈខ្សែភាពយន្តខ្នាតធំ “The Odyssey” ដែលនឹងចាក់បញ្ចាំងនៅតាមរោងភាពយន្តនានានៅជុំវិញពិភពលោក នៅថ្ងៃទី ១៧ ខែកក្កដា ឆ្នាំ ២០២៦។

តួអង្គ ចូលរួមសម្តែងនៅក្នុងខ្សែភាពយន្តថ្មី របស់ផលិតករឆ្នើម លោក Christopher Nolan មានដូចជា Zendaya, Tom Holland, Robert Pattinson, Matt Damon, Lupita Nyong’o, Anne Hathaway និង Charlize Theron។ តួអង្គមួយចំនួន ធ្លាប់បានបង្ហាញខ្លួនក្នុងខ្សែភាពយន្តមុនៗរបស់លោក Christopher Nolan រួចមកហើយ ជាក់ស្តែងមានដូចជា Pattinson, Damon និង Hathaway សម្តែងក្នុងរឿង “Tenet,” “Interstellar” និង “Oppenheimer”។ ភាពយន្ត “The Odyssey” ដែលនឹងធ្វើការចាក់បញ្ចាំងក្នុងឆ្នាំ ២០២៦ នេះ ប្រើប្រាស់បច្ចេកវិទ្យាទំនើបចុងក្រោយក្នុងការថត គឺ IMAX film technology។

គួររំលឹកថា លោក Christopher Nolan ជាផលិតករ និង ជាអ្នកដឹកនាំរឿងឆ្នើមមួយរូប ដែលបានបន្សល់ស្នាដៃល្អៗ ក្នុងវិស័យកុនហូលីវូដ។ រឿង “Oppenheimer” របស់លោក បានឈ្នះពានរង្វាន់អូស្ការ ជាភាពយន្តដែលមានរូបភាពល្អបំផុត ហើយ លោកផ្ទាល់បានឈ្នះពានរង្វាន់ ជាផលិតករ ឆ្នើម និង ពាន Academy Award ជាអ្នកដឹកនាំខ្សែភាពយន្ត ល្អបំផុត៕