- 2017-04-25 09:10:22
- ភាពយន្ត
ក្រសួងបិទការងារសិល្បៈ ដេនី ក្វាន់ ចុះភាពយន្តមួយដែលនាងបានចូលរួមសម្ដែងហើយ គិតម៉េចវិញ?
- 2017-04-25 09:10:22
- ចំនួនមតិ 0 | ចំនួនចែករំលែក 0
ក្រសួងបិទការងារសិល្បៈ ដេនី ក្វាន់ ចុះភាពយន្តមួយដែលនាងបានចូលរួមសម្ដែងហើយ គិតម៉េចវិញ?
ចន្លោះមិនឃើញ
បន្ទាប់ពីក្រសួងវប្បធម៌ និង វិចិត្រសិល្បៈ បានដាក់តារាសម្ដែងស្រី ដេនី ក្វាន់ ក្នុងបញ្ជីខ្មៅរយៈពេល១ឆ្នាំ ដោយសារនាងផ្គើននឹងសេចក្ដីណែនាំឲ្យស្លៀកពាក់សមរម្យ និង សក្ដិសមជាសិល្បការិនីខ្មែរ ពេលនេះអ្នកតំណាងផលិតកម្ម ផលិតរឿងថ្មីរបស់នាងចេញមុខបកស្រាយ។
លោក សែម វិសាល អ្នកតំណាងផលិតកម្ម Wonder Film បានលើកឡើងថាលោកនិងក្រុមការងារខ្វល់ចិត្តដូចគ្នាពេលលឺដំណឹងនេះ ប៉ុន្តែពេលនេះលោកបានទទួលដំណឹងច្បាស់ការ១០០% ហើយ ថារឿង "ផ្ទះចិញ្ចឹមខ្មោច" នោះមិនមានបញ្ហាប៉ះពាល់អ្វីនោះទេ ។
“រឿងយើងអត់មានបញ្ហាទេ ព្រោះយើងចេញថតតាំងពី ០១.០១.២០១៦ មកម្លេះ គឺសកម្មភាពរបស់យើងបានធ្វើមុនសេចក្ដីប្រកាសរបស់ក្រសួង ដូច្នេះហើយគឺយើងនៅតែបញ្ជាំងបានដោយមិនល្មើស" លោកបន្ត។
លោក បន្ថែមថាទោះបីជារឿង "ផ្ទះចិញ្ចឹមខ្មោច" មិនបានជាប់ភ្លើងក្រហមក្ដី តែក្រសួងនឹងតាមដានបន្ថែមទៅលើសាច់រឿង ប្រសិនបើផលិតកម្មតម្រូវឲ្យ ដេនី ក្វាន់ ថតឈុតស្រើបស្រាលនោះ នឹងមានបញ្ហាដដែល។ "អត់ផងក្នុងរឿងនេះ ដេនី សម្ដែងជានារីសុភាពរាបសារហើយគ្មានឈុតណាដែលបង្ហាញពីភាពស្រើបស្រាលឡើយ" លោកបញ្ជាក់។
ចំណែកលោក ឆាយ បូរ៉ា ជាប្រធានសមាគមភាពយន្ត បានបញ្ជាក់នៅក្នុងអង្គប្រជុំពិសេសទាក់ទងនឹង ដេនី ក្វាន់ ថា កាលដែលផ្ដល់ផលវិជ្ជមានសម្រាប់រឿង "ផ្ទះចិញ្ចឹមខ្មោច" របស់ផលិតកម្ម Wonder Film គឺជារឿងយុត្តិធម៌បំផុតសម្រាប់ផលិតករ និង ផលិតកម្ម ព្រោះមុនពេលចេញថតម្ដងៗផលិតកម្មត្រូវសុំទិដ្ឋាការពីក្រសួងវប្បធម៌ និង វិចិត្រសិល្បៈ អំឡុងពី៤ខែទៅ១ឆ្នាំ ទើបអាចដំណើរការថតបាន។ មិនត្រឹមតែប៉ុណ្ណោះការផ្ដល់ផលល្អបែបនេះ ក៏ធ្វើឲ្យផលិតករមានកម្លាំងចិត្តសម្រាប់ផលិតបន្តផងដែរ៕
