ក្នុង​ឱកាស​ចូលរួម​ក្នុង​កម្មវិធី​ "The One: Hong Kong Humanity Awards” តារា​សម្ដែង​ Donnie Yen ហៅ​ កុំកុំ​ បាន​បង្ហាញ​ពី​អារម្មណ៍​ថា​ខ្លួន​រំពឹង​រួម​ការងារ​ជាមួយ​ឈិន ឡុង​។

កាល​ពី​ថ្ងៃ​ទី​ ១៦​ ខែ​ឧសភា​ ឆ្នាំ​ ២០១៧​ តារា​សម្ដែង​ហុងកុង​ Donnie Yen ភរិយា​របស់​លោក​ Cecilia Wang តារា​សម្ដែង​ស្រី​ Bernice Liu និង​ Sharon Luk ត្រូវ​បាន​អញ្ជើញ​ឲ្យ​ចូលរួម​ក្នុង​កម្មវិធី​ ប្រគល់​ពាន​រង្វាន់​មួយ​ដែល​មាន​ឈ្មោះ​ថា​ "The One: Hong Kong Humanity Awards”។

ដោយ​ឡែក​នៅ​ពេល​ដែល​ត្រូវ​បាន​សាកសួរ​ពី​ ការ​ត្រៀម​ខ្លួន​ថត​រឿង​ថ្មី "Ip Man 4” Donnie Yen (កុំកុំ) បាន​បង្ហើប​ថា​អ្នក​គាំទ្រ​មួយ​ចំនួន​ សង្ឃឹម​ថា​នឹង​បាន​ឃើញ​ លោក​ និង​ Jackie Chan (ឈិន​ ឡុង​) សម្ដែង​រួម​គ្នា​ម្ដង​ទៀត​។ តារា​ប្រុស​រូប​នេះ​ក៏​បាន​បន្ត​ទៀត​ថា​៖ "ខ្ញុំ​សង្ឃឹម​ថា​ពួក​យើង​អាច​ធ្វើការ​ជាមួយ​គ្នា​ជា​ថ្មី​ម្ដង​ទៀត​ ហើយ​ខ្ញុំ​ក៏​សង្ឃឹម​ដែរ​ថា​ភាពយន្ត​នោះ​នឹង​ប្រព្រឹត្ត​ទៅ​យ៉ាង​រលូន​ ពី​ព្រោះ​អ្នក​គាំទ្រ​មាន​ការ​រំពឹង​ខ្លាំង​ ចង់​ឃើញ​ពួក​យើង​ ប្រយុទ្ធ​គ្នា​ម្ដង​ទៀត​”៕