- 2017-05-25 06:07:26
- ភាពយន្ត
ខ្លាំងបាត់! ផាន់ ផាត់ណា ប្ដូរពីកំពូលតារាម៉ូដែលទៅជាស្រីចរិតប្រុស
- 2017-05-25 06:07:26
- ចំនួនមតិ 0 | ចំនួនចែករំលែក 0
ខ្លាំងបាត់! ផាន់ ផាត់ណា ប្ដូរពីកំពូលតារាម៉ូដែលទៅជាស្រីចរិតប្រុស
ចន្លោះមិនឃើញ
ធ្លាប់តែដើរតួជាស្រីស្អាតដែលមានចរិតកាចឆ្នាសឆ្នើម ពេលនេះតួអង្គកំពូលតារាម៉ូដែល ដាអ៊ីណា ក្នុងរឿង "ស្រទន់មន្តស្នេហ៍" ប្រាប់ថានាងត្រៀមប្តូរចរិតលក្ខណៈជាតួថ្មីមួយទៀតដែលនាងមិនដែលជួមឆ្លងកាត់ពីមកគឺ ជាស្រីចរិតប្រុស ក្នុងរឿង "មន្តស្នេហ៍កូនថៅកែត្បូង"។
ផាត់ ផាន់ណា បន្តថា រឿងនេះនាងនឹងដើរតួជាកូនកំព្រាម្ដាយ ដែលមានតែឪពុកជាថៅកែត្បូងប្រចាំខេត្តប៉ៃលិន។ "សម្រាប់រឿងហ្នឹងខ្ញុំត្រូវដើរតួជាស្រីចរិតប្រុស ហើយឈ្លើយទៀត អ្នកប៉ះឬមើលងាយអីគឺមិនបានដាច់ខាត មិនត្រឹមតែប៉ុណ្ណោះរឿងនេះខ្ញុំត្រូវចេះវ៉ៃទាត់ធាក់ទៀត"។ នាង បន្ថែម។
ថ្លែងពីចំណាប់អារម្មណ៍ដែលស្រាប់តែប្ដូរពីចរិតធម្មជាតិ និងរសជាតិតួអង្គដែលខ្លួនធ្លាប់សម្ដែងនេះ នាងលើកឡើងថា៖ "ខ្ញុំពេញចិត្តតួអង្គនេះ ហើយចង់ដើរតួបែបនេះបែប លក្ខណៈ ក្លាហាន ចេះទាត់ធាក់ និង ជិះម៉ូតូធំបែបនេះយូរហើយ"។
មិនត្រឹមតែប៉ុណ្ណោះនាងបានបញ្ជាក់ថាខ្លួនបានត្រៀមខ្លួនរូចហើយសម្រាប់ការដើរតួនេះ។ "រាល់ខ្ញុំហាត់តៃក្វាន់ដូដែរ ហើយខ្ញុំគិតយើងជាតួសម្ដែងយើងមិនបាច់អីដល់ថ្នាក់ចេះស្ទាត់នោះទេ គ្រាន់ដឹងពីមូលដ្ឋានខ្លះៗ និងទេពកោសល្យនៃការសម្ដែងដែលមានស្រាប់ទៅបានហើយ"។
បញ្ជាក់ផងដែរភាពយន្តភាគ "មន្តស្នេហ៍កូនថៅកែត្បូង" ជាស្នាដៃនិពន្ធរបស់ រ៉ា អារុណ ដឹកនាំដោយ ខុង រតនា ក្នុងផលិតកម្ម C-Media របស់ លោក ជា ឈីម ដែលនឹងចេញថតនៅដើមខែ មិថុនា នេះហើយ។
