- 2017-08-08 09:50:34
- ភាពយន្ត
កុមារជាង៣០០នាក់ ទទួលបានឱកាសមើលរឿង "អ៊ូខុង" ដោយសេរីព្រឹកមិញនេះ
- 2017-08-08 09:50:34
- ចំនួនមតិ 0 | ចំនួនចែករំលែក 0
កុមារជាង៣០០នាក់ ទទួលបានឱកាសមើលរឿង "អ៊ូខុង" ដោយសេរីព្រឹកមិញនេះ
ចន្លោះមិនឃើញ
នៅរោងភាពយន្ត Major Cineplex by Cellcard ព្រឹកមិញនេះ បានរៀបចំកម្មវិធីមួយដែលបើកឱកាសឲ្យក្មេងៗជំទង់ចំនួនជាង៣០០នាក់មកពី "អង្គការដើម្បីភាពញញឹមនៃកុមារ" ហៅកាត់ PSE ចូលទស្សនាភាពយន្តដ៏ល្បីមួយប្រចាំពាក់កណ្ដាលឆ្នាំ២០១៧នេះ គឺរឿង "អ៊ូខុង" ដោយសេរី។
កម្មវិធីមនុស្សធម៌នេះប្រព្រឹត្តទៅបាន ដោយមានការផ្ដួចផ្ដើមពីអង្គការ PSE សហការជាមួយរោងភាពយន្ត Major Cineplex by Cellcard និង Sabay MVP។
ក្នុងនោះ កញ្ញា រិទ្ធី ជាតាណា ប្រធានគ្រប់គ្រងផ្នែកទីផ្សារ នៅរោងភាពយន្តទំនើបនេះ បានឲ្យដឹងថាកម្មវិធីនេះរៀបចំឡើងដោយតបទៅតាមការស្នើសុំរបស់ខាងភាគី PSE ដែលកំពុងរៀបគម្រោងមួយនាំក្មេងៗក្នុងអង្គការធ្វើកម្មវិធីផ្សេងៗនៅរដូវវិស្សមកាលនេះ ដោយរោងភាពយន្តខាងលើបានផ្ដល់ជូនសាលដោយឥតគិតថ្លៃសម្រាប់បញ្ចាំងរឿង។
លោក Peter តំណាងឲ្យអង្គការ PSE ក៏បានបញ្ជាក់ពីគម្រោងនេះដែរថា ក្រុមលោកបានរៀបចំកម្មវិធីមួយដែលនាំក្មេងៗទាំងនោះធ្វើសកម្មភាពផ្សេងៗ ក្នុងវិស្សមកាលនេះ ដើម្បីជៀងវាង ខ្លាចពួកគេភ្លេចខ្លួន ទៅប្រព្រឹត្តអំពើអបាយមុខផ្សេងៗ។ តាមការបញ្ជាក់របស់តំណាងដដែលនេះបានឲ្យដឹងថា ក្មេងៗជំទង់ទាំងនោះមានចំនួនសរុបជាង ៣០០នាក់ ដែលមកពី៣រាជធានីខេត្ត គឺ ភ្នំពេញ ខេត្តព្រះសីហនុ និងសៀមរាប។
ជាមួយគ្នានោះ លោក សុខ សេរីសុភា នាយកផ្នែកទីផ្សាររបស់ Sabay MVP ដែលជាក្រុមហ៊ុននាំចូលកុន និងផ្ដល់ជូនភាពយន្តដែលបញ្ចាំងក្នុងកម្មវិធីព្រឹកនេះ លើកឡើងពីមូលហេតុក្នុងការសហការផ្ដល់ភាពយន្តដែលកំពុងទទួលបានការពេញនិយមដោយឥតគិតថ្លៃនេះថា៖ "ដោយសាររឿងនេះ ជាភាពយន្តដែលប្លែកមួយ ព្រោះវាជារឿងបង្ហាញពីដំណើរដើមទងថា ហេតុអ្វីបាន អ៊ូខុង ទៅអុកឡុកឋានលើ ម៉្យាងទៀតគឺបងចង់ឲ្យក្មេងបាន Relax ជាមួយរឿងកុនល្អ រោងភាពយន្តទំនើបមួយនេះ"៕
