ចូលដល់ភាគបញ្ចប់ "និស្ស័យស្នេហ៍ប្ដូរវិញ្ញាណ" ធ្វើឲ្យអ្នកមើលរឹងពោះមិនស្ទើរទេ! (វីដេអូ)

2017-09-05 07:31:44
វីដេអូ

2017-09-05 07:31:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តភាគថៃ រឿង "និស្ស័យស្នេហ៍ប្ដូរវិញ្ញាណ” ឈានដល់ភាគបញ្ចប់ហើយកាលពីយប់មិញនេះ ជាមួយអារម្មណ៍រីករាយដក់ជាប់ក្នុងចិត្តទស្សនិកជនគ្រប់គ្នា។

តួក្នុងរឿង "និស្ស័យស្នេហ៍ប្ដូរវិញ្ញាណ”

អ្នកគាំទ្រទាំងអស់ពិតជាពេញចិត្ត និងកោតសរសើរចំពោះសាច់រឿង និងសមត្ថភាពសម្ដែងរបស់តួអង្គណាស់ ជាពិសេសតួឯកប្រុសស្រីទាំង២ Nadech និង Yaya ធ្លាប់តែឃើញដើរតួជា មនុស្សប្រុសស្រីពេញលក្ខណៈ តែក្នុងស្ទើរគ្រប់ឈុតក្នុងរឿងនេះ ពួកគេទាំង ២ត្រូវផ្លាស់ចរិតគ្នាសម្ដែង ដែលបានប្ដូរបរិយាកាសរីករាយ និងប្លែកមួយបែបទៀតសម្រាប់អ្នកទស្សនា។

ដោយឡែក យប់មិញនេះ ជាភាគចុងក្រោយរបស់រឿង "និស្ស័យស្នេហ៍ប្ដូរវិញ្ញាណ” ដែលបានធ្វើឲ្យអ្នកតាមដានរឿងនេះ អស់សំណើចជាខ្លាំង ខណៈ Nadech ដែលសម្ដែងចរិតជាមនុស្សស្រី ត្រូវគ្រងឈុតកូនក្រមុំ រៀបការជាមួយ Yaya ដែលស្លៀកឈុតកូនកំលោះ។

ចំណែកឈុតមួយទៀត គឺនៅពេល Yaya (ដើរតួជាមេកងរ៉ាមីន) ដល់ពេលត្រូវសម្រាលកូន ហើយស្រែកឡើងចង់បែកអាកាស ស្របពេល Nadech (ដើរតួជាភេត្រា) ឈរមើលស្វាមីសម្រាលកូនជំនួស រហូតសន្លប់។

ចុងបញ្ចប់គូស្នេហ៍ទាំង ២ក៏ទទួលបានបុត្រជាទីស្រឡាញ់ និងរស់នៅជាមួយគ្នា សាងសុភមង្គលយ៉ាងមានក្ដីសុខ។ ងាកមកក្រៅសាច់រឿងវិញ នេះគឺជាជោគជ័យមួយទៀតរបស់ ដៃគូសម្ដែងដ៏ស័ក្ដិសម Nadech និង Yaya ក្នុងអាជីពសម្រាប់ខ្សែភាពយន្តរបស់ខ្លួន៕