វីដេអូខ្លីជាង៣នាទី បង្កប់អត្ថន័យជ្រាលជ្រៅសម្រាប់បុណ្យភ្ជុំបិណ្ឌ(វីដេអូ)

2017-09-08 06:19:53
វីដេអូ

2017-09-08 06:19:53
ចំនួនមតិ 0 | ចំនួនចែករំលែក 0

ចន្លោះមិនឃើញ

រដូវកាលបុណ្យភ្ជុំបិណ្ឌបានចូលមកដល់ហើយ ក្នុងនោះមានប្រជាជនខ្មែរជាច្រើនកំពុងសស្រាក់សស្រាំធ្វើចង្ហាន់ទៅប្រគេនព្រះសង្ឃនៅទីវត្តអារាម និងមានខ្លះទៀត រៀបចំឆ្លៀតពេលទៅលេងលេងស្រុកកំណើតជួបជុំសាច់ញាតិ និងឪពុកម្ដាយ។ ក្រៅពីបង្ហាញជូនចម្រៀងប្រពៃណីល្បីៗសម្រាប់រដូវកាលនេះហើយ ថ្ងៃនេះ sabay នឹងលើកយកវីដេអូខ្លីដែលពាក់ព័ន្ធនឹងរដូវកាលបុណ្យភ្ជុំបិណ្ឌមកចែកជូនប្រិយមិត្តតែម្ដង។

វីដេអូខ្លីនេះ ត្រូវបានដាក់ឈ្មោះថា "ភ្ជុំបិណ្ឌ១៥ថ្ងៃ" ដោយបង្ហាញ ពីជីវិតរបស់បុរសម្នាក់ផ្លាស់លំនៅមកនៅទីក្រុង និងគ្មានពេលវេលាគ្រប់គ្រាន់ទៅសួរសុខទុក្ខ គ្រួសារ ជាពិសេសឪពុកម្ដាយ។ ដោយសង្កត់ន័យទៅលើរដូវកាលភ្ជុំបិណ្ឌ ក្រុមយុវជនដែលផលិតរឿងនេះ បានរៀបរាប់ថា សារសំខាន់សម្រាប់រឿងខ្លី គឺចង់រំលឹកឲ្យកូនៗទាំងឡាយគួរឆ្លៀតពេលទៅជួបឪពុកម្ដាយម្ដង ក្នុងរយៈ ពេលប្រមាណ១៥ថ្ងៃនេះ ដើម្បីកុំឲ្យមានភាពសោកស្ដាយដូចកុមារដែលបានបង់បង់ម្ដាយទៅនោះ។

វីដេអូដែលមានពេលប្រមាណជាង៣នាទីនេះ និពន្ធ និងដឹកនាំ ដោយ លោក ម៉ូលីន ថត ដោយ គុណ និងមានកាត់ត និងសម្ដែងដោយលោក ធូ ដែលជាម្ចាស់បទ "ស្រលាញ់លេងបានហើយ" ដែលពួកគេទាំងនេះ សុទ្ធសឹងតែជាសមាជិកក្នុងក្រុមចម្រៀង RG Band។

សូមទស្សនាវីដេអូខាងក្រោម៖

អត្ថបទ៖ សុខណា