- 2017-11-27 23:25:00
- ភាពយន្ត
កុន៤រឿងដែលផលិតករ ពាន់ ភួងបុប្ផា ពេញចិត្តបំផុត
- 2017-11-27 23:25:00
- ចំនួនមតិ 0 | ចំនួនចែករំលែក 0
កុន៤រឿងដែលផលិតករ ពាន់ ភួងបុប្ផា ពេញចិត្តបំផុត
ចន្លោះមិនឃើញ
ផលិតករដ៏ល្បី អ្នកស្រី ពាន់ ភួងបុប្ផា បានផលិតរឿងខ្នាតធំនិងតូចជាច្រើនរឿង ហើយរឿងដែលអ្នកស្រីពេញចិត្តក៏មិនតិចដែរ តែរឿងដែលធ្វើឱ្យអ្នកស្រីស្រលាញ់ពេញចិត្តបំផុតនោះ មានតែ៤រឿងប៉ុណ្ណោះ។
អ្នកនិពន្ធនិងដឹកនាំរឿងក៏ល្បីរូបនេះ បានប្រាប់ Sabay ថា តាំងពីអ្នកស្រីផលិតរឿងរហូតមកដល់ឥឡូវបានរាប់សិបរឿងហើយ ទាំងខ្នាតធំនិងតូច តែរឿងដែលធ្វើឱ្យអ្នកស្រី ពេញចិត្តបំផុត ពេលដែលនឹកឃើញពេលណាក៏សប្បាយចិត្តនោះ គឺមានរឿង "ទឹកចិត្តម្ដាយ” "ប្ដីល្អ” "កុមារី២៥ឆ្នាំ” និងរឿង "ទឹកចិត្តម្ដាយសម័យថ្មី”។ អ្នកស្រីបញ្ញាក់ថា មូលហេតុដែលអ្នកស្រីពេញចិត្តរឿងនេះខ្លាំងដោយសារតែរឿងទាំងនោះអ្នកស្រីផលិតដោយចេញពីចិត្ត ដែលបានឆ្លុះបញ្ចាំងអំពីបញ្ហាសង្គមគ្រួសារ និងរឿងលក្ខណៈកំប្លែងតែក្នុងន័យអប់រំ។
“រឿងដែលខ្ញុំផលិត ខ្ញុំស្រលាញ់ទាំងអស់ តែរឿងដែលស្រលាញ់ជាងគេមាន៤រឿងហ្នឹង រឿងទាំងនេះ ខ្ញុំនឹកឃើញពេលណាសប្បាយចិត្តពេលហ្នឹង ដូចរឿង"ប្ដីល្អ" ខ្ញុំនឹកឃើញរឿងហ្នឹងខ្ញុំសប្បាយចិត្តពេញ១ថ្ងៃហ្មង។ យើងចង់កែប្រែសង្គមតាមរយៈរឿង អ្នកខ្លះគាត់អត់ដឹងថាទង្វើដែលគាត់ធ្វើសព្វថ្ងៃហ្នឹងខុសទេ ដល់យើងលេងឱ្យឃើញចឹងទៅគាត់អាចយល់ខ្លះ”។
តាំងពីអ្នកស្រី ពាន់ ភួងបុប្ផា ផលិតរឿងរហូតមកដល់បច្ចុប្បន្ននេះ បានប្រមាណ៦០រឿង ដោយខ្នាតធំបានប្រមាណ២០រឿង។ រឿងទាំងនោះភាគដ៏ច្រើនបំផុតទទួលបានការគាំទ្រពីទស្សនិកជនទាំងក្នុងប្រទេសនិងក្រៅប្រទេស។
