- 2017-12-19 23:15:00
- ភាពយន្ត
ឆ្នាំ២០១៨ ភាពយន្តខ្នាតធំ៥រឿងត្រៀមអង្រួនចក្ខុទស្សនិកជន
- 2017-12-19 23:15:00
- ចំនួនមតិ 0 | ចំនួនចែករំលែក 0
ឆ្នាំ២០១៨ ភាពយន្តខ្នាតធំ៥រឿងត្រៀមអង្រួនចក្ខុទស្សនិកជន
ចន្លោះមិនឃើញ
នៅសល់ជាង១០ថ្ងៃទៀតប៉ុណ្ណោះឆ្នាំថ្មី ២០១៨ នឹងចូលមកដល់ហើយ ដូច្នេះហើយផលិតកម្មក្នុងស្រុកចំនួន៥បានត្រៀមភាពយន្តខ្នាតធំរបស់ខ្លួនដាក់បញ្ចាំងនៅរោងកុន ដើម្បីជាកិច្ចស្វាគមន៍ឆ្នាំថ្មីខាងមុខនេះ។
១/ ផលិតកម្ម LD Picture នឹងដាក់បញ្ចាំងរឿង "មនុស្សឆ្កួត" នៅដើមចុងខែធ្នូឈានចូលថ្ងៃទី ខែ មករា ឆ្នាំ ២០១៨ នៅគ្រប់រោងភាពយន្តទំនើបៗក្នុងទីក្រុងភ្នំពេញ និងខេត្តសៀមរាប។ រឿងនេះជាប្រភេទរឿងវាយប្រហារ អភិនីហារលាយឡំជាមួយឈុតឆាកកំប្លែងសើច។
២/ផលិតកម្មមាតុចក្រ ត្រៀមនឹងដាក់បញ្ចាំងរឿង "ធ្មប់" នៅថ្ងៃទី២៥ ខែ មករា ឆ្នាំ ២០១៧ ខាងមុខនេះនៅគ្រប់រោងភាពយន្តទំនើបៗក្នុងទីក្រុងភ្នំពេញ និងខេត្តសៀមរាប។ "ធ្មប់"គឺជាប្រភេទភាពយន្តបែបបុរាណ ភ័យរន្ធត់ បង្ហាញពីវប្បធម៌ប្រពៃណីនាសម័យកាលមួយ។ ភាពយន្តមួយនេះចូលរួមសម្ដែងពីចាងហ្វាងផលិតកម្មលោក ហ៊ុយ យ៉ាឡេង ផ្ទាល់តែម្ដង។
៣/ផលិតកម្ម Rock នឹងដាក់បញ្ចាំងភាពយន្តខ្នាតធំរបស់ខ្លួនរឿង "កិច្ចសន្យាស្នេហ៍ TOM AND JERRY នៅថ្ងៃទី ៩ ខែ កុម្ភៈ ឆ្នាំ ២០១៨ នៅរោងភាពយន្តទំនើបៗនៅទីក្រុងភ្នំពេញ និងខេត្តសៀមរាប។ ភាពយន្តខ្នាតធំមួយនេះជាប្រភេទរឿង មនោសញ្ចេតនាស្នេហាអូនបង ជាមួយព្រលឹងវិញ្ញាណចូលសណ្ឋិត និងឈុតឆាកកំប្លែងមួយចំនួនក្នុងសាច់រឿង។
៤/ ផលិតកម្មមហាហង្ស ត្រៀមនឹងចាក់បញ្ចាំងរឿង "ក្រមុំចាស់ប៉ះកំលោះស្ទាវ" នៅថ្ងៃទី១ ខែ មីនា ឆ្នាំ ២០១៨ នៅគ្រប់រោងភាពយន្តទំនើបៗក្នុងទីក្រុងភ្នំពេញ និងខេត្តសៀមរាបខាងមុខនេះ។ ភាពយន្តខ្នាតធំមួយនេះជាប្រភេទរឿងបែប ស្នេហាកាច់កុងឌឺដងដាក់គ្នាទៅវិញទៅមករវាងក្រមុំចាស់ និងកំលោះស្ទាវរូបសង្ហា។
៥/ ផលិតកម្ម Wonder Film នឹងដាក់បញ្ចាំងរឿង "ផ្ទះចិញ្ចឹមខ្មោច" នៅដើមខែ កុម្ភៈ ឆ្នាំ ២០១៨ ខាងមុខនេះនៅគ្រប់រោងភាពយន្តទំនើបៗក្នុងទីក្រុងភ្នំពេញ និងខេត្តសៀមរាបក្នុងពេលខាងមុខនេះ។"ផ្ទះចិញ្ចឹមខ្មោច" ជាប្រភេទភាពយន្តខ្នាតធំ ខ្មោចព្រឺព្រួចភ័យរន្ធត់ លាយឡំជាមួយឈុតឆាកកំប្លែងមួយចំនួនផងដែរ៕
