តារាសម្ដែងចិន Zhang Yuqi ស្អាតខ្លាំងម្ល៉ឹងហើយ ប្ដីនៅតែមានស្រី
អ្នកគាំទ្រតារាសម្ដែងចិន Zhang Yuqi ជាច្រើននាក់បានបញ្ចេញប្រតិកម្មដោយងឿងឆ្ងល់ ចំពោះស្វាមីរបស់នាងដែលជាអ្នកដឹកនាំរឿង Wang Quanna ដែលបានលួចមានស្រីនៅខាងក្រៅ ខណៈដែលភរិយារបស់ខ្លួនមានវ័យក្មេងស្រស់ស្អាតម្ល៉ឹងហើយ។
អ្នកដឹកនាំរឿង Wang Quanan ដែលជាស្វាមីរបស់តារាស្រីរូបនេះ ត្រូវបានប៉ូលិសឃាត់ខ្លួន ពីបទប្រព្រឹត្តអំពើពេស្យាចារ ដោយអ្នកដឹកនាំរឿងវ័យ ៤៨ឆ្នាំរូបនេះបានជួលនារីអាយុ ៣១ឆ្នាំម្នាក់មកគេង នៅផ្ទះរបស់ខ្លួននៅទីក្រុងប៉េកាំង កាលពីថ្ងៃទី១០ ខែកញ្ញា កន្លងទៅ។ ប៉ូលិសទីក្រុងប៉េកាំងបានឲ្យដឹងនៅថ្ងៃចន្ទម្សិលមិញថា ពួកគេបានចាប់ខ្លួន លោក Wang កាលពីថ្ងៃពុធ សប្ដាហ៍មុន បន្ទាប់ពីរកឃើញថា អ្នកដឹកនាំរឿងរូបនេះបានជួលស្រីមកគេង ៣ថ្ងៃជាប់គ្នា ចាប់ថ្ងៃចន្ទ ដល់ថ្ងៃពុធ ហើយនៅថ្ងៃអង្គារ គេបានជួលស្រីពីរនាក់មកគេងក្នុងពេលតែមួយទៀតផង។ នៅពេលនោះតារាសម្ដែងវ័យ ២៨ឆ្នាំ Zhang ជាភរិយា កំពុងចូលរួមកម្មវិធីបង្ហាញម៉ូដ New York Fashion Week នៅសហរដ្ឋអាមេរិក។
ព័ត៌មាននេះបានបង្កភាពភ្ញាក់ផ្អើលយ៉ាងខ្លាំងសម្រាប់ក្រុមអ្នកគាំទ្ររបស់ពួកគេ ដោយសារកន្លងមកគេថាឃើញ Wang ជាស្វាមីល្អ និងស្រឡាញ់ Yuqi ខ្លាំងណាស់។
Zhang Yuqi គឺជាតារាសម្ដែងស្រីល្បីមួយរូបនៅប្រទេសចិន ដែលទទួលបានប្រជាប្រិយភាពខ្លាំងបន្ទាប់ពីសម្ដែងរឿង "CJ7” កាលពីឆ្នាំ២០០៨។ នាង និង Wang Quanan បានរៀបអាពាហ៍ពិពាហ៍ជាមួយគ្នាកាលពីឆ្នាំ២០១១ ៕
អាន៖ Justin និង Selena ឡើងសណ្ឋាគារតែមួយក្រោយទទួលស្គាល់ចំណងស្នេហ៍ជាថ្មី
អាន៖ ទិដ្ឋភាពអស្ចារ្យពីការប្រគំតន្ត្រីទេសចរណ៍ក្រុម One Direction
ប្រែសម្រួល៖ វ៉ាន់ថន
ប្រភព៖ straitstimes ,lollipop
