- 2019-05-09 03:24:00
- ព័ត៌មាន
Tom Holland រីករាយក្នុងការថតស្រឡាយរឿង "Spider-Man” ចំនួន ២០ ទៀត
- 2019-05-09 03:24:00
- ចំនួនមតិ 0 | ចំនួនចែករំលែក 0
Tom Holland រីករាយក្នុងការថតស្រឡាយរឿង "Spider-Man” ចំនួន ២០ ទៀត
ចន្លោះមិនឃើញ
តារាសម្ដែង Tom Holland ទទួលបានភាពល្បីល្បាញខ្លាំងពីសំណាក់អ្នកគាំទ្ររបស់ Marvel ចាប់តាំងពីរូបលោកចូលរួមជាមួយ MCU ក្នុងតំណែងជាតួអង្គ Peter Parker របស់ខ្សែភាពយន្ត "Captain America: Civil War” មកម៉្លេះ។ តាំងពីនោះមក លោកក៏បានបង្ហាញវត្តមានក្នុងខ្សែភាពយន្ត ៣ ផ្សេងទៀត ដូចជា "Spider-Man: Homecoming” “Avengers: Infinity Wars” និង "Avengers: Endgame”។ ជាមួយគ្នានេះដែរ ឆាប់ៗខាងមុខនេះ ស្រឡាយរឿង "Spider-Man” ថ្មីមួយទៀតរបស់លោក ក៏ត្រៀមនឹងចាក់បញ្ចាំងផងដែរ។
អំឡុងពេល រៀបចំការជួបជុំរបស់រឿង "Spider-Man: Far From Home” ក្នុងទីក្រុងឡុងដុង តារាប្រុសវ័យ ២២ ឆ្នាំរូបនេះ ត្រូវបានអ្នកសារព័ត៌មានសាកសួរជុំវិញបទពិសោធរបស់លោកក្នុងការថតខ្សែភាពយន្ត Spider-Man ទី២របស់លោកនេះ ហើយតារាប្រុសរូបនេះក៏បានបង្ហាញថា លោកពិតជាមានភាពរីករាយជាខ្លាំងក្នុងការថតស្រឡាយខ្សែភាពយន្តមួយនេះចំនួន ២០ រឿងទៀត។
“ខ្ញុំពិតជាមានអារម្មណ៍ល្អណាស់។ វាជាបទពិសោធដ៏អស្ចារ្យមួយក្នុងនាមជាអ្នកសម្ដែង ហើយបទពិសោធដ៏វិសេសវិសាលក្នុងនាមជាតារាសម្ដែងដែលបានសម្ដែងជាតួអង្គដែលខ្លួនឯងពេញចិត្ត។ ម្ដងហើយម្ដងទៀត។ ហ៊ឺម! ខ្ញុំពិតជារក្សាផ្នត់គំនិតថា ប្រសិនបើអ្នកចង់ធ្វើ ២០រឿងនៃស្រឡាយភាពយន្តមួយនេះទៀត អ៊ីចឹងខ្ញុំនឹងធ្វើវា ព្រោះវាពិតជាសប្បាយណាស់។ វាពិតជាតម្លៃដ៏ពិតប្រាកដ ហើយពោរពេញដោយភាពរីករាយ។ វាអាចនឹងមានភាពរីករាយច្រើនលើកនេះជាជាងរឿងមុនៗ។ វាពិតជាអស្ចារ្យណាស់"។ តារាសម្ដែង Tom Holland បញ្ជាក់៕
