- 2019-06-23 04:16:33
- ព័ត៌មាន
Sulli តបយ៉ាងឡូយ នឹងមតិរិះគន់រឿងមិនពាក់អាវក្នុង
- 2019-06-23 04:16:33
- ចំនួនមតិ 0 | ចំនួនចែករំលែក 0
Sulli តបយ៉ាងឡូយ នឹងមតិរិះគន់រឿងមិនពាក់អាវក្នុង
ចន្លោះមិនឃើញ
ក្នុងកម្មវិធី "Night of Hate Comments” របស់ទូរទស្សន៍កូរ៉េខាងត្បូងដែលចាក់ផ្សាយកាលពីពេលថ្មីៗនេះ តារាស្រី Sulli បានធ្វើការឆ្លើយតបនឹងសម្ដីរិះគន់មកលើខ្លួន ទាក់ទងនឹងការមិនពាក់អាវក្នុង។
Sulli បាននិយាយដូចនេះថា ៖ "ខ្ញុំគិតថានេះជារឿងសេរីភាពផ្ទាល់ខ្លួន។ អាវទ្រនាប់មិនល្អចំពោះសុខភាព វាមានខ្សែ។ វាមិនល្អចំពោះសរីរាង្គរំលាយអាហារ ហើយខ្ញុំមានបញ្ហាទាក់ទងនឹងការរំលាយអាហារ។ ដោយសារតែមិនពាក់វា ធ្វើឲ្យមានអារម្មណ៍ស្រួលខ្លួន ខ្ញុំមិនពាក់វានោះទេ។ ខ្ញុំគិតថាពេលមិនពាក់វាយើងមានអារម្មណ៍ថាមានសេរីភាព និងស្រស់ស្អាត”។
អតីតសមាជិកក្រុមចម្រៀង f(x) រូបនេះ ក៏បានធ្វើឲ្យអ្នកសម្របសម្រួលកម្មវិធីភ្ញាក់ផ្អើល នៅពេលដែលនិយាយដោយបើកចំហថា "ខ្ញុំមិនបានពាក់អាវទ្រនាប់ទេពេលនេះ (ពេលកំពុងនៅក្នុងកម្មវិធី)”។
នៅពេលសួរថាហេតុអ្វីបានជាបន្តបង្ហោះរូបភាពមិនពាក់អាវទ្រនាប់លើបណ្ដាញសង្គម Sulli បានឆ្លើយតបថា ៖ "នៅពេលខ្ញុំបង្ហោះរូប មិនពាក់អាវទ្រនាប់ ដំបូង មានការជជែកវែកញែកជាច្រើន។ ខ្ញុំភ័យខ្លាចនិងចង់លាក់ខ្លួន ប៉ុន្តែហេតុផលដែលខ្ញុំរឹងមាំបាននោះព្រោះតែចង់ផ្លាស់ប្ដូរការវាយតម្លៃរបស់មនុស្សគ្រប់គ្នាលើចំណុចនេះ។ ចិត្តខ្ញុំមួយផ្នែកចង់និយាយថា (នេះមិនមែនជាបញ្ហាអ្វីធំដុំនោះទេ)”។
ក្រៅពីរឿងនេះ Sulli បានឆ្លើយតបនឹងការបញ្ចេញមតិមិនល្អជាច្រើនទៀតលើរូបនាង មានដូចជាការហៅនាងថាមនុស្សចង់បានការចាប់អារម្មណ៍ និងការនិយាយថានាងប្រើថ្នាំជាដើម៕