/Feature-1280x720_medium.jpg)
- 2017-12-27 03:42:20
- ព័ត៌មាន
ទូរទស្សន៍ថោន ត្រៀម១១កម្មវិធីវាយលុកទីផ្សារ ឆ្នាំ២០១៨
- 2017-12-27 03:42:20
- ចំនួនមតិ 0 | ចំនួនចែករំលែក 0
ទូរទស្សន៍ថោន ត្រៀម១១កម្មវិធីវាយលុកទីផ្សារ ឆ្នាំ២០១៨
ចន្លោះមិនឃើញ
ល្ងាចមិញនេះផលិតកម្មថោនបានធ្វើសន្និសីទសារព័ត៌មានក្នុងគោលបំណងបើកសម្ពោធឲ្យដំណើរការចាក់ផ្សាយ១១កម្មវិធីត្រៀមវាយលុកទីផ្សារនៅដើមឆ្នាំ២០១៨ ខាងមុខនេះ។
ថ្លែងក្នុងសន្និសីទសារព័ត៌មានលោក ប៊ុន រតនា នាយកគ្រប់គ្រងការផលិតនៅទូរទស្សន៍ថោន បានឲ្យដឹងថា សម្រាប់កម្មវិធីថ្មីទាំង១១ គឺជាស្នាដៃថ្មីទាំងអស់មិនបានចម្លងពីកម្មវិធីបរទេសឡើយ។ ដូច្នេះលោកជឿជាក់ នឹងទទួលបានការគាំទ្រពីបងប្អូនទស្សនិកជនទាំងក្នុង និងក្រៅស្រុក រាល់កម្មវិធីថ្មីៗដែលថោនបង្កើតឡើង។
លោកថា ១២ កម្មវិធីបូកទាំង ដូច្នឹងផង មានដូចជា ដូច្នឹងKids កំប្លែងហ្មង អន្ទិតព្រោតអន្ទិតប្រាជ្ញ មួយណាជាការពិត Lovely Night Happy Life Show ចុមបាក់ចង្កេះ សមរភូមិបៃតង អ្នកក្លាហានស្រុកខ្ញុំ ឆ្ងាញ់ទេ?។
“កម្មវិធីទាំង១១ មុននឹងចាក់ផ្សាយលើទូរទស្សន៍ថោន គឺយើងសម្រិតសម្រាំងខ្លាំងណាស់ ព្រោះយើងគិតគុណភាពជាចម្បង។ យើងអត់ប្រកួតជាមួយទូរទស្សន៍ណានោះទេ តែយើងចង់បានអ្វីជារបស់យើងដែលផលិតឡើងដោយកូនខ្មែរ ដូច្នេះខ្ញុំជឿជាក់ថានឹងមានការគាំទ្រពីទស្សនិកជន"។ នេះបើតាម នាយកគ្រប់គ្រងការផលិតនៅទូរទស្សន៍ថោនលើកឡើង៕
