- 2018-01-10 09:22:49
- ព័ត៌មាន
បុរសម្នាក់ធ្លាប់ផ្ទុះព័ត៌មានឡើងគ្រែជាមួយ អ៊ីវ៉ា និង លី អ៊ីវ៉ាធីណា ជាអ្នកណា?
- 2018-01-10 09:22:49
- ចំនួនមតិ 0 | ចំនួនចែករំលែក 0
បុរសម្នាក់ធ្លាប់ផ្ទុះព័ត៌មានឡើងគ្រែជាមួយ អ៊ីវ៉ា និង លី អ៊ីវ៉ាធីណា ជាអ្នកណា?
ចន្លោះមិនឃើញ
បុរសម្នាក់ត្រូវបានជនអនាមិក Hack Account Facebook បង្កជារឿងភ្ញាក់ផ្អើលយ៉ាងដល់តារាស្រីពីររូបគឺ កញ្ញា លី អ៊ីវ៉ាធីណា និង អ៊ីវ៉ា ពាក់ព័ន្ធករណីថា រូបគេធ្លាប់នាំតារាចម្រៀងទាំងពីរនាក់ ឡើងគ្រែជាមួយ។ ក្រោយពីផ្ទុះរឿងរ៉ាវនេះរួចមកសាធារណៈមិនទាន់បានជ្រាបច្បាស់ថា បុរសម្នាក់ហ្នឹងជាអ្នកណាឡើយ។
បើតាមដំណឹងដែល Sabay ទទួលបានពីលោក ឆៃ ណាតូ ដែលជាជនរងគ្រោះដែរនោះបានឲ្យដឹងថា ដំបូងឡើយ ខ្លួនគឺជាអ្នកសរសេរបទចម្រៀងឲ្យ ពេជ្រ ថាណា ផុន ផានិត រ៉ាវី នៅក្នុងផលិតកម្មថោន។
អាជីពជាអ្នកនិពន្ធមិនបានធ្វើឲ្យលោក អាចរកកម្រៃចិញ្ចឹមឆ្នាំងបាយបាននោះទេ ព្រោះបទចម្រៀងដែលចេញនៅលើទីផ្សារមិនសូវទទួលបានការគាំទ្រពីមិត្តអ្នកស្ដាប់គ្រប់មជ្ឈដ្ឋានទើប សម្រេចចិត្តលាប្រទេសកំណើតខ្លួនទៅស្វែងរកការងារធ្វើនៅប្រទេសថៃ ដើម្បីចិញ្ចឹមឪពុកម្ដាយ និងកូនពីរនាក់ ដែលរស់នៅក្នុងបន្ទុក។
ទោះបីជាមានការងារនៅប្រទេសថៃក្ដីតែ ឆៃ ណាតូ មិនបានបោះបង់ការសរសេរតែងនិពន្ធបទចម្រៀងចោលឡើយ ឆ្លៀតពេលទំនេរពីការងារលោក ងាកមកចាប់ចុងប៊ិចសរសេរបទចម្រៀង ផ្ញើជូនឲ្យពួកម៉ាក់ច្រៀង និងតារាចម្រៀងពន្លកថ្មីមួយចំនួនទៀត។
ឆៃ ណាតូ បានរៀបរាប់ថា៖" ខ្ញុំស្រឡាញ់ ចម្រៀងខ្លាំងណាស់បង តែមកពីខ្ញុំច្រៀងមិនពីរោះទើប សរសេរបោះឲ្យពួកម៉ាក់ និងតារាចម្រៀងដែលពួកគាត់មានសំឡេងល្អឲ្យច្រៀងជំនួស ហើយបទខ្លះខ្ញុំឲ្យ ពេជ្រ ថាណា គាត់ច្រៀង ព្រោះខ្ញុំស្គាល់គាត់តាមរយៈ ផុន ផានិត"។
បច្ចុប្បន្ន ឆៃ ណាតូ មានអាយុ ៣២ ឆ្នាំ ជាអ្នកខេត្តព្រៃវែង ធ្លាប់មានប្រពន្ធ និងកូន២ នាក់ ដោយសារតែការរស់នៅមិនចុះសំរុងជាមួយគ្នាទើបខ្លួន និងប្រពន្ធបានសម្រេចចែកផ្លូវគ្នាដើរម្ខាងម្នាក់ជាង៣ ឆ្នាំមកហើយ ។ ចំណែកឯកូនទាំង២ លោកជាអ្នករ៉ាប់រងចិញ្ចឹម។ បទចម្រៀងមួយចំនួនដែល ឆៃ ណាតូ ធ្លាប់និពន្ធកន្លងមកមានដូចជាបទ៖ "ស្រណោះដៃធ្លាប់ថ្នម" “ក្បត់ប្ដីចោលកូន" “ប៉ោយប៉ែតដួងចិត្តខ្ញុំ" និងជាច្រើនបទដែលលោកមិនបានចាំចំណងជើង៕
