- 2018-01-16 04:15:52
- ជីវិតតារា
ធ្លាយដំណឹង ឆ័យលី ដាឡែន សម្រាលកូនស្ងាត់ៗ នៅឯស្រុកកំណើត
- 2018-01-16 04:15:52
- ចំនួនមតិ 0 | ចំនួនចែករំលែក 0
ធ្លាយដំណឹង ឆ័យលី ដាឡែន សម្រាលកូនស្ងាត់ៗ នៅឯស្រុកកំណើត
ចន្លោះមិនឃើញ
តារាសម្ដែងអ្នកនាង ឆ័យលី ដាឡែន ត្រូវបានប្រភពច្បាស់ការមួយ បានទម្លាយឲ្យដឹងថា នាងបានសម្រាលកូនរួចហើយកាលពីជាង២ខែមុន ដោយដំណឹងនេះ នាងបានព្យាយាមលាក់ការមិនទម្លាយឲ្យមហាជនបានដឹងឡើយ។
ប្រភពខាងលើបានបន្តឲ្យដឹងថា ការសម្រាលកូនរបស់ ឆ័យលី ដាឡែន មិនបានធ្វើនៅមន្ទីរពេទ្យភ្នំពេញឡើយ គឺនាងបានទៅសម្រាលនៅឯគ្លីនិកឯកជនមួយក្នុង ខេត្តកំពង់ឆ្នាំង ដែលជាស្រុកកំណើតស្វាមីរបស់នាង។
ប្រភពដដែលបានបញ្ជាក់ឲ្យដឹងថា កូនរបស់ ឆ័យលី ដាឡែនគឺជាកូនប្រុស ហើយនាងបានដាក់ឈ្មោះថា តារា ឆៃយ៉ានុត ។ បច្ចុប្បន្ននាង និងស្វាមី មិនបានរស់នៅជាមួយកូនឡើយ ដោយអ្នកទាំង២ជាប់រវល់លើការងាររកស៊ី និងសិល្បៈ បានទុកឲ្យម្ដាយក្មេករបស់នាងនៅឯខេត្តកំពង់ឆ្នាំង ជាអ្នកមើលថែ ហើយជាញឹកញាប់នាង និងស្វាមីតែងតែឡើងចុះពីភ្នំពេញ ទៅមើលកូនជាញឹកញាប់។
ប្រភពរាយការណ៍នោះបានសន្និដ្ឋានថា ឆ័យលី ដាឡែន ហាក់ដូចជាចង់លាក់ព័ត៌មាននៃការមានកូននេះឲ្យមហាជនបានដឹង ត្បិតអីសូម្បីតែមិត្តភ័ក្ដិក្នុងចង្កោមអ្នកសិល្បៈ តារាស្រីរូបនេះមិនបានទម្លាយឲ្យដឹងផង។
តែបែបនេះក្ដី នាងអាចនឹងទម្លាយដំណឹងមានកូននាង នៅថ្ងៃខួបកំណើតរបស់នាង នៅ ថ្ងៃទី១២ ខែ កុម្ភៈ ឆ្នាំ ២០១៨ ខាងមុខនេះតែម្ដង ដោយក្នុងពិធីខួបកំណើតនោះ តាមប្រភពប្រាប់ថា នាងគ្រោងអញ្ជើញអ្នកសិល្បៈច្រើននាក់ ហើយនាងច្បាស់ជាយកកូននាងទៅចូលរួម ដែលពិធីគ្រោងធ្វើនៅឯភោជនីយដ្ឋានមួយនៅ សង្កាត់បឹងត្របែក។
ជុំវិញដំណឹងខាងលើ Sabay បានព្យាយាមទាក់ទងទៅ អ្នកនាង ឆៃ លីដាឡាន ជាច្រើនលើកតាមរយៈទូរស័ព្ទ ប៉ុន្តែមិនមានអ្នកទទួល។ កន្លងមក ឆ័យលី ដាឡែន តែងតែប្រាប់សារព័ត៌មានក្នុងស្រុកជាច្រើនថា នាងចង់មានកូនខ្លាំងណាស់ ប៉ុន្តែមិនទាន់មានដូចបំណង ក្រោយពីរៀបការជាមួយស្វាមីជាង២ឆ្នាំមក៕
