- 2018-01-17 08:20:00
- ព័ត៌មាន
ផលិតកម្ម SM និង YouTube រួមគ្នារៀបចំព្រឹត្តិការណ៍ពិសេសសម្រាប់ Michael Jackson
- 2018-01-17 08:20:00
- ចំនួនមតិ 0 | ចំនួនចែករំលែក 0
ផលិតកម្ម SM និង YouTube រួមគ្នារៀបចំព្រឹត្តិការណ៍ពិសេសសម្រាប់ Michael Jackson
ចន្លោះមិនឃើញ
គ្រាន់តែឮដំណឹងថា ផលិតកម្មយក្សរបស់កូរ៉េ SM បង្ហើបពីគម្រោងថ្មីជាមួយ YouTube ភា្លម អ្នកគាំទ្រទាំងអស់ជុំវិញពិភពលោកមានការភ្ញាក់ផ្អើលឥតឧបមា ហើយម្នាក់ៗទន្ទឹងរង់ចាំយ៉ាងអន្ទះសារថាតើមានព្រឹត្តិការណ៍។
កាលពីថ្ងៃទី ១៦ ខែមករា ផលិតកម្ម SM បានប្រកាសថា ខ្លួននឹងរៀបចំការប្រគំតន្ត្រីពិសេស ជាលក្ខណៈទ្រង់ទ្រាយធំមួយ ដើម្បីរម្លឹកខួប ៣០ឆ្នាំនៃបទចម្រៀង "Man in the Mirror” របស់ស្ដេចចម្រៀងប៉ុប Michael Jackson។
ផលិតកម្មនេះដដែល បានជម្រាបជូនព័ត៌មានខ្លះតាមរយៈទំព័រហ្វេសប៊ុកផ្លូវការដោយបញ្ជាក់ថា ការប្រគំតន្ត្រីពិសេសនោះ នឹងប្រព្រឹត្តិឡើងនៅថ្ងៃទី ២០ ខែមករា ឆ្នាំ ២០១៨ (នៅប្រទេសកូរ៉េ)។ ថ្ងៃនោះដែរ នឹងមានការចូលរួមពីសំណាក់អ្នកនិពន្ធបទចម្រៀង Siedah Garrett,ផលិតករ Quincy Jones, Myron McKinley និងតន្ត្រីករល្បីឈ្មោះដែលចួលរួមផលិតបទ "Man In The Mirror" ទាំងអស់ផងដែរ។ អ្វីដែលកាន់តែអស្ចារ្យ អ្នកគាំទ្រនៅប្រទេសជុំវិញពិភពលោកក៏អាចទស្សនាការប្រគំតន្ត្រីនេះបានដែរ តាមរយៈការផ្សាយផ្ទាល់ចេញពីគណនី YouTube ផ្លូវការរបស់ផលិតកម្ម SM។
"Man in the Mirror” គឺជាបទចម្រៀងចេញដំបូងកាលពីឆ្នាំ ១៩៨៨ ដោយមានការគាំទ្រច្រើនគួរសមនាឆ្នាំនោះ។ រហូតដល់ឆ្នាំ ២០០៩ បទនេះក៏បានផ្ទុះជាថ្មី ដោយសារមរណភាពរបស់ម្ចាស់បទគឺ Michael Jackson៕
