Shakira អាចប្រឈមមុខនឹងការជាប់គុកដោយសារបញ្ហាមួយ

2018-01-23 23:30:00
ជីវិតតារា

2018-01-23 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងល្បីឈ្មោះសញ្ជាតិកូឡុំប៊ី Shakira ត្រូវគេប្ដឹងថាគេចពន្ធ ខុសច្បាប់រឿងប្រាក់ចំណូលនិងអាចប្រឈមមុខនឹងការជាប់ពន្ធនាគារ។

ក្រុមអ្នកកាន់កាប់ច្បាប់ខាងពន្ធប្រចាំប្រទេសអេស្ប៉ាញ បានស្នើឲ្យអ្នកបម្រើកិច្ចការនេះឆែកមើល ចំណូលផ្សេងៗរបស់តារាពូកែគ្រលែងចង្កេះរូបនេះ អំឡុងឆ្នាំ ២០១១ និង ២០១៤ បន្ទាប់ពីចោទប្រកាន់នាងថា គេចពន្ធចំណូលខ្លះៗដោយមិនបានបង់ឲ្យបានត្រឹមត្រូវ។

ក្រុមពន្ធដារប្រទេសអេស្ប៉ាញ បានប្រកែកថា Shakira បានរស់នៅប្រទេសអេស្ប៉ាញខណៈពេលនោះ ហើយនាងត្រូវតែបង់ប្រាក់ថ្លៃពន្ធចំពោះទឹកប្រាក់នាងរកបានពីទូទាំងពិភពលោក មិនមែនត្រឹមតែចំណូលនាងរកបាននៅប្រទេសអេស្ប៉ាញនោះទេ។ នេះបើតាមការរាយការណ៍ពី Lavangardia.com វិបសាយព័ត៌មានមួយនៅប្រទេសអេស្ប៉ាញ។

កាសែតនោះបានបន្តទៀតថា Shakira ត្រូវបង់លុយយ៉ាងហោចណាស់ខ្ទង់លានដុល្លារ បើសិនជាគេអាចដោះស្រាយតាមផ្លូវច្បាប់បាន ឫក៏អាចប្រឈមមុខនូវការជាប់គុកតែម្ដង។

អ្នកជំនាញខាងពន្ធដារផ្ទាល់ខ្លួនរបស់តារារូបនេះផ្ទាល់បានឲ្យដឹងថា នាងត្រូវបញ្ជាក់ថានាងបានរស់នៅប្រទេសអេស្ប៉ាញយ៉ាងតិចណាស់ ១៨៣ថ្ងៃមុនថ្ងៃឆ្លើយតបនឹងសំនួរផ្សេងៗ គោលបំណងគឺមិនចង់តម្រូវឲ្យនាងបង់ប្រាក់ពន្ធដែលនាងរកបានទូទាំងពិភពលោក ជាជាងរកបាននៅប្រទេសអេស្ប៉ាញ។

មិនខុសគ្នាពីតារាល្បីៗផ្សេងៗប៉ុន្មានទេ កីឡាករបាល់ទាត់ឫតារាសម្ដែងខ្លះក៏មានបញ្ហានេះដូចគ្នាដោយសារផ្លាស់ប្ដូរទីតាំងរស់នៅជាញឹកញាប់បណ្ដាលឲ្យមានបញ្ហាពន្ធដារចម្រូងចម្រាស់នេះកើតឡើង៕

អានអត្ថបទ៖

ប្រភព៖ Dailymail ប្រែសម្រួល៖ ធារ៉ូ