អុញ! កម្មវិធី Super Bowl ជួល Fan ឲ្យស្រែកហ៊ោពេល Justin Timberlake សម្ដែង?

2018-02-06 03:45:00
ព័ត៌មាន

2018-02-06 03:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់ថ្ងៃអាទិត្យនៅសហរដ្ឋអាមេរិក កំពូលតារាចម្រៀង Justin Timberlake បានសម្តែងការប្រគំតន្ត្រីដ៏ធំមួយប្រចាំឆ្នាំ ក្នុងកម្មវិធី Super Bowl Half Time Show។

ក្នុងការប្រគំតន្ត្រីនោះដែរ បើសង្កេតមើលតាមកញ្ចក់ទូរទស្សន៍ គឺឃើញថាមានភាពអ៊ូអរ ហ៊ោកញ្ជ្រៀវ និងសប្បាយរីករាយជាខ្លាំង។ ប៉ុន្តែតាមពិតទៅ នោះគ្រាន់តែជាប្រឌិតឡើងពីកម្មវិធីទូរទស្សន៍តែប៉ុណ្ណោះ។

បើតាមវីដេអូមួយពីអ្នកចូលរួមក្នុងកម្មវិធីនោះបានបង្ហោះលើបណ្ដាញសង្គម Twitter ជាមួយនឹងការចែកចាយបន្តជាង ៥០,០០០នាក់នោះ សង្កេតឃើញថា ទស្សនិកជនជាច្រើនដែលបានចូលរួមគឺមានភាពស្ងប់ស្ងាត់អំឡុងពេលការសម្ដែងរបស់តារាចម្រៀង Justin Timberlake គឺមានតែមនុស្សមួយចំនួននៅជុំវិញឆាកប្រគំតន្ត្រីតែប៉ុណ្ណោះដែលមានការស្រែកហ៊ោកញ្ជ្រៀវ។

ទស្សនាវីដេអូខាងក្រោមនេះ

Y’all it is SO quiet in here. Only the fake crowd y’all see on camera cares about Justin. pic.twitter.com/V01zFCeLbE
— Chaos and Disorder (@onlychyld) February 5, 2018

អ្នករៀបចំការប្រកួតដ៏ធំនេះត្រូវបានដឹងថា បានជួលអ្នកស្ម័គ្រចិត្តជាច្រើនឲ្យមកធ្វើជាអ្នកគាំទ្រ ក្នុងការហ៊ោកញ្ជ្រៀវជុំវិញការប្រគំតន្ត្រីរបស់តារាចម្រៀង Justin Timberlake នេះ។

វីដេអូមួយផ្សេងទៀតក៏ត្រូវបានបង្ហោះលើបណ្ដាញសង្គម Twitter ដែរពាក់ព័ន្ធនឹងការប្រគំតន្ត្រីបែបប្រឌិតសកម្មភាពអ្នកគាំទ្ររបស់តារាចម្រៀងរូបនេះ៕